Match barys popýlıasııasynyń azaıý máselesine arnalady jáne BUU Damý baǵdarlamasynyń jáne "Barys" hokkeı klýbynyń arnaıy "Qar barystaryn qutqarý" naýqany aıasynda uıymdastyrylady. Atalmysh is-shara osy sırek kezdesetin jáne joıylyp ketý qaýpi bar janýarlardyń túrlerin qorǵaýǵa baǵyttalǵan. Karantınge baılanysty kórermender matchty tek onlaın rejıminde kóre alady.
Sońǵy 40 jyl ishinde Qazaqstanda barystardyń sany shamamen 180-200 sanynan 130-150-ge deıin tómendegen. Ártúrli derek kózderine súıensek álemde, 12 elde bar bolǵany 3 myńnan 7 myńǵa deıin ǵana barys qalǵan. Popýlıasııa sanynyń kemýine jáne joıylyp ketý qaýpi bar janýarlar qataryna enýine baılanysty, barys Qyzyl kitapqa engizilgen.
Dúnıejúzilik ekologııalyq qor (GEF) qarjylandyratyn BUU Damý baǵdarlamasy men Qazaqstan Úkimetiniń birlesken jobasy aıasynda Qazaqstanda barys úshin qaýip-qaterdi azaıtý boıynsha jumystar júrgizilýde: barystardyń naqty mekendeıtin jerleri belgilenýde, olardyń ózderin jáne qorektený kózderin baqylaý úshin arnaıy jabdyqtar satyp alynyp, dalalyq zertteýler ótkizilip, jergilikti turǵyndarmen jumys júrgizilýde.
"BUU Damý baǵdarlamasy birneshe jyldan beri Qazaqstandaǵy qar barystaryn qorǵaý jáne saqtaý máselesimen aınalysyp keledi. Sırek kezdesetin janýarlardyń monıtorıngin jetildirý úshin biz Almaty, Shyǵys Qazaqstan, Jambyl jáne Túrkistan oblystaryndaǵy 13 erekshe qorǵalatyn tabıǵı saıabaqtarǵa 25 kvadrokopter jáne 294 fototuzaq syıǵa tarttyq", dedi BUU Damý baǵdarlamasynyń Qazaqstandaǵy turaqty ókili Iаkýp Berısh.
"Barys" hokkeı klýby BUUDB naýqanyna úshinshi jyl qatarynan qatysýda, bıylǵy jyly «Ak Bars» klýby da is-sharaǵa qosyldy. Bul eki "Barystyń" Qyzyl kitapqa engen janýardy saqtaý jónindegi birlesken naýqany aıasyndaǵy ótkizilgen ekinshi matchy. Birinshi oıyn Qazan qalasynda (Reseı Federasııasy) 16 qazanda ótti. Onda qazaqstandyq klýb 1:0 esebimen jeńiske jetti.
Halyqaralyq barys kúni osy sırek kezdesetin janýardyń joıylý qaýpi týraly halyqty habardar etýge baǵyttalǵan: adamdar barysqa tónetin qaýip týraly neǵurlym kóbirek bilse, ony qutqarý múmkindigi soǵurlym joǵarylaıdy. Mereke 2013 jyldyń qazan aıynda Bishkekte qar barysyn saqtaýdyń Dúnıejúzilik forýmynda belgilendi.
