Atap aıtqanda, EEK Keńesiniń zergerlik buıymdardy synap kórýge, taldaýǵa jáne tańba basýǵa qoıylatyn biryńǵaı talaptardy belgileý týraly sheshimi jobasynyń RÁB qorytyndylary boıynsha ony qoldanysqa engizý kúnine qatysty aıqyndylyqty qamtamasyz etý, salalyq bıznes-qoǵamdastyqpen synap kóretin tastaǵy zergerlik buıymdardy synap kórýge qoıylatyn talaptardy talqylaý jóninde qosymsha konsýltasııalar júrgizý, sondaı-aq ulttyq zańnamada zergerlik buıymdardy taldaýǵa irikteýdiń ózge de jaǵdaılaryn belgileý múmkindigin boldyrmaý usynylady.
EEK Alqasynyń zergerlik buıymdar óndirisine qoıylatyn talaptardy buzý tizbesin bekitý týraly sheshimi jobasynyń RÁB nátıjeleri boıynsha jumys toby bul tizbeni ýákiletti memlekettik organdar arasynda aqparat almasý úshin ǵana qoldaný qajettigine nazar aýdardy. Olaı bolmaǵan jaǵdaıda zergerlik buıymdardyń ózara saýdasy úshin kedergi jasalýy múmkin.
Medısınalyq buıymdardy tehnıkalyq synaqtan ótkizý qaǵıdalarynyń jańa redaksııasy jobasyn qaraý qorytyndylary boıynsha mundaı synaqtardy erikti negizde ótkizý kezinde standarttardy qoldaný jónindegi tásildemeni saqtaý usynyldy.
Jumys tobynyń otyrysynda Komıssııanyń Dárilik preparattar óndirisin saralaý men valıdasııasyna biryńǵaı tásildemeler belgileýdi qamtamasyz etetin Odaqtyń tıisti óndiristik parktıkasy qaǵıdasyna ózgerister engizý týraly, geologııalyq barlaý jumystaryn júrgizý kezinde paıdalanylatyn teńiz kemelerin kedendik tólemder tólemeı ýaqytsha ákelýge múmkindik berý týraly sheshimderiniń jobasy da qaraldy.
Tımýr Jaqsylyqov jumys toby otyrysynyń qorytyndylary boıynsha: "Komıssııa sheshimderiniń búgin qaralǵan barlyq jobasy tutastaı alǵanda EAEO-da bıznes júrgizý sharyttaryn jaqsartýǵa, bizdiń Odaǵymyzdyń sheńberinde ortaq taýar naryqtaryn qurý men damytýǵa baǵyttalǵan", dep atap ótti.
