– Qystyrǵyshtyń ólshemi 6 mm/5 mm, edáýir úlken, – deıdi medısına ǵylymynyń doktory, aýrýhananyń endoskopııa bóliminiń bronhology Larısa Pıýrova. – Endotrahealdy tútik pen bronhoskoptyń kómegimen biz qystyrǵyshty alyp tastadyq. Bul jumys fılıgrandy, otadan keıin asqynýlar bolmaýy úshin tinderdi zaqymdamaý mańyzdy. Bar másele bóten deneniń tereńdep, tipti kórinbeıtindiginde boldy.
Larısa Pıýrova – Qazaqstannyń úzdik endoskopısteriniń biri, onyń jumys ótili 36 jyl. Ol bóten zattardy alyp shyǵarýda teńdesi joq maman bolyp sanalady. Sonymen qatar ol óziniń dıssertasııasynyń, kitaptary men jazbalarynyń birbóligin osy problemaǵa arnady. Dáriger ótken ota aýyr bolǵanymen, onyń tájirıbesinde odan da kurdeli jaǵdaılar bolǵanyn aıtady.
– Men óz ómirimde úsh júzge jýyq ota jasadym, tipti alty aılyq balalarǵa deıin. Bárinen buryn, men jeti jasar balanyń bronhyna ótip ketken ıneksııalyq ıneni qalaı alyptastaǵanym esimde. Men ıneni búgip, ony bir saǵattan astam ýaqyt boıy shyǵardym. Biz bronhtar men ókpeden dári-dármekter, qalamdar, burshaq, tis protezderinen alynǵan bólshekter, tuqymdar, jańǵaqtar, tipti qasyqtyń sabyn shyǵardyq, osynyń bárimen naýqastar tynys aldy.
Qazir JShKKA dárigerleri qutqarǵan naýqas úıinde. Traheobronhıaldy aǵashtyń bógde deneleri jıi asfıksııaǵa baılanysty ómirge úlken qaýip tóndiredi nemese ókpede qaıtymsyz ózgeristerdiń odan ári damýymen sozylmaly qabynýdy týdyrady.
Bógde zattardyń bronhqa ótýine nemquraıdylyq basym ról atqarady: kútpegen jyldam tynys, kúlki, qorqynysh, erkelik, qulaý, tamaq iship otyryp sóıleý. 70% balalar zardap shegetin mundaı jaǵdaılardyń aldyn-alý úshin dárigerler tamaqtaný kezinde aýyz qýysynda bóten zattarǵa barynsha muqııat bolyp, jutyp qoımaýǵa keńes beredi. Jatyp alyp tamaq ishýge bolmaıdy, tamaqtanǵan kezde asyqpańyz, kúlmeńiz, kenetten qımyl jasamańyz, jótelmeńiz. Alǵashqy kómek retinde jedel járdem kelgenge deıin naýqasty ózińizge arqasymen tik kúıinde eńkeıtip, keýdesin sál uryp, turyp qalǵan zatty jótelmen shyǵarýyna kómektesý usynylady. Kez kelgen jaǵdaıda dárigerdi shaqyrý kerek.
ALMATY
