Almaty qalasy taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, Almaty qalasynda 23-shi qazandaǵy jaǵdaı boıynsha koronavırýs ınfeksııasynyń (KVI) 14607 oqıǵasy tirkelgen, onyń 8762-si sımptomdy, 5845-si sımptomsyz.
"Sońǵy táýlikte COVID-19-dyń 44 jaǵdaıy jáne anyqtalmaǵan pnevmonııanyń 5 jaǵdaıy tirkeldi. Táýliktik ósim 0,3%, juqtyrý koeffısıenti – 1,37 qurady. Aǵymdaǵy aptada KVI aýrýynyń deńgeıi birinshi aptanyń deńgeıinen 9 ese asyp tústi. Qaladaǵy jaǵdaı shıelenise túsýde jáne aýrýshańdyqtyń ósip kele jatqany baıqalýda", deıdi Jandarbek Bekshın, Qalanyń bas memlekettik sanıtarlyq dárigeri.
Jalpy álemdegi epıdemııalyq jaǵdaı nasharlap bara jatqany atap ótildi. Mysaly, Reseıde kúnine 12 myńnan astam jaǵdaı tirkeledi, Eýropa men Amerıka aımaǵynda da osyndaı jaǵdaı. AQSh-ta táýligine shamamen 60 myń jaǵdaı, Fransııada – 30 myń jaǵdaı, Ulybrıtanııada – 14 myń jaǵdaı, Ispanııada, Germanııada jáne Italııada 5-15 myń jaǵdaı tirkelgen.
J.Bekshın atap ótkendeı, qalada indetke shaldyǵýdyń kóbeıýine kópshilik sharalar – birinshi kezekte úılený toılary septesip otyr. Mundaı jıyn-toıda qonaqtardyń aýasy tazarmaıtyn jabyq ǵımarattarda birge uzaq ýaqyt otyratyny jáne keńinen baılanys jasaıtyny belgili.
"Meniń toı uıymdastyrýshylaryna aıtpaǵym: Siz ózińizge ǵana emes, barlyq qonaqtarǵa, ınfeksııany ózine juqtyrý arqyly ony otbasylaryna taratatyn qart týystarǵa da qaýip tóndiresiz. Sondaı-aq, toı nemese eske alý kezinde monıtorıngtik toptardyń talaby boıynsha is-sharany tastap ketýge májbúr bolǵan qonaqtardy yńǵaısyz jaǵdaıǵa qaldyrasyz, dedi J.Bekshın.
– Bul ártúrli kópshilik is-sharalarǵa qatysqan naýqastardyń 38% -na juqtyrýǵa sebep boldy".
Epıdemııa nemese onyń qaýpi jaǵdaıynda bir otbasy múshelerin qospaǵanda, 10-nan astam adamnyń jınalýy jappaı shara bolyp tabylady. Tek sońǵy aptada Almatynyń monıtorıngtik toptary birqatar keleńsizdikterdi anyqtady: Medeý aýdanynda "Black hall Bar" paby, "Bla Bla Bar" bary saǵat 24.00-ge deıin jumys istegen, Túrksib aýdanynda "Ermıtaj" dámhanasynda úılený toıy, "Zolotoı kývshın" dámhanasynda otbasylyq is -ara, Naýryzbaı aýdanynda "Altyn" meıramhanasynda – qyz uzatý, "Tengri" dámhanasynda – mereıtoı. Bul nysandarda monıtorıngtik toptardyń qyzmetkerleri qonaqtardy taratyp jiberdi. Tártipbuzýshylyqtar qaıtalanǵan jaǵdaıda obektiler sot tártibimen jabylatyn bolady.
"Almatyda syrqattanýshylyqtyń ósýiniń ekinshi sebebi – qoǵamdyq kólik, onda betperde rejımi jıi buzylady, qolǵap paıdalanylmaıdy. Sondyqtan biz betperde men qolǵap kııý rejımin qatań saqtaýdy talap etemiz", dedi qalanyń bas sanıtar dárigeri.
Úshinshi sebep – uıymdarda koronavırýs ınfeksııasynyń kóp tirkelýi. Qyzmetkerlerdiń kóp jınalýyn tómendetý jáne jumysta da, jumysqa barar jolda da baılanysty shekteý úshin TKQSQBD tirshilik áreketin qamtamasyz etý obektilerin qospaǵanda, qyzmetkerlerdiń keminde 30%-yn qashyqtyqtan jumys rejımine kóshirýdi talap etedi.
Tórtinshiden, aýrýdyń ósýiniń sebebi – otbasynda qaıta juqtyrý. Eresekter, ásirese jastar, túngi klýbtar men tamaqtaný oryndaryna barǵanda, ınfeksııany qart otbasy músheleri, ata-analary, aǵa-inileri bar otbasylarǵa ákeledi.
Eske sala ketý kerek, Almaty qalasynda 2020 jyldyń 8 qazanynan bastap karantındik sharalardy saqtaý boıynsha monıtorıngtik toptardyń jumysy kúsheıtildi. Aýdandyq ákimdikter janynda 26 monıtorıngtik top jumys isteıdi, olar jergilikti jerlerde epıdemııaǵa qarsy is-sharalardyń oryndalýyn baqylaý maqsatynda obektiler boıynsha kún saıyn tekserý is-sharalaryn júrgizedi. Aǵymdaǵy jyldyń 8 qazanynan bastap búgingi kúnge deıin monıtorıngtik toptarmen 1656 obekt qamtyldy, onyń ishinde karantın kezeńinde jumys isteıtin 406 obektide maska rejımin buzý anyqtaldy. Jeke tulǵalarǵa qatysty betperde rejımin buzǵany úshin QR ÁQBtK-niń 425-babynyń 1-tarmaǵy boıynsha 3,9 mln teńge somasyna 94 ákimshilik quqyq buzýshylyq týraly hattama toltyryldy.
ALMATY
