Ekonomıka • 23 Qazan, 2020

EEK keptirilgen kokos jańǵaǵyna arnalǵan ımporttyq bajdyń baǵasyn nólge túsirdi

16 ret kórsetildi

Búgin Eýrazııalyq ekonomıkalyq komıssııa Alqasy keptirilgen kokos jańǵaqtaryna arnalǵan kedendik ákelý bajynyń baǵasyn úsh jyl merzimge 3%-dan 0%-ǵa deıin tómendetti. Sheshim Reseı Federasııasynyń bastamashylyq usynysyn qaraý nátıjeleri boıynsha qabyldandy, dep jazady Egemen.kz  EEK taratqan derekterge silteme jasap.

Keptirilgen jáne usaqtalǵan kokos jańǵaqtary (kokos jańqasy) unnan jasalatyn kondıter buıymdarynyń keıbir túrleriniń, atap aıtqanda, tort, tátti nan jáne pispenan óndirisinde paıdalanylady.

Tabıǵı-klımattyq jaǵdaılarǵa oraı Eýrazııalyq ekonomıkalyq odaqqa múshe memleketter aýmaǵynda kokos palmalary óspeıtindigi eskerip, kokos jańqasyna degen qajettilik ımporttyq jetkizilimder esebinen qamtamasyz etiledi.

Qabyldanǵan sheshim daıyn ónimder óndirisine jumsalatyn shyǵyndardy qysqartýǵa, kokos jańqasy paıdalanylatyn buıymdardyń úlesin arttyrýǵa, sondaı-aq eksporttyq naryqtardaǵy otandyq kondıterlik kásiporyndardyń pozısııasyn nyǵaıtýǵa baǵyttalǵan.

"Kútilip otyrǵanyndaı, keptirilgen kokos jańǵaqtaryna arnalǵan kedendik ákelý bajynyń stavkasyn tómendetý múshe memleketterdegi pandemııa jaǵdaıynda quldyraý kórsetken kondıter ónimi óndirisiniń kólemin qalpyna keltirýge kómektesedi", dep atap ótti EEK-tiń Kedendik-tarıftik jáne tarıftik emes retteý departamentiniń dırektory Vaagn Kazarıan.

Sheshim resmı jarııalanǵan kúninen bastap kúntizbelik 30 kún ótken soń kúshine enedi.​

Sońǵy jańalyqtar

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar