Qoǵam • 23 Qazan, 2020

Elorda ákimdiginde sybaılas jemqorlyqtyń aldyn alý jumystary týraly aıtyldy

39 ret kórsetildi

#ANTIKOR.LIVE jobasy aıasynda Antikor Ortalygy alańynda Nur-Sultan qalasy ákiminiń orynbasary Baqtııar Máken men QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń memlekettik qyzmet departamenti basshysynyń birinshi orynbasary Jazıra Jylqyshıevamen áleýmettik jelilerde onlaın-dıalog ótti, dep habarlaıdy Egemen.kz.

Tikeleı efır barysynda ákimniń orynbasary Baqtııar Máken júrgizilip jatqan jumystar týraly aıtyp, qoıylǵan suraqtarǵa jaýap berdi. Onyń aıtýynsha, sybaılas jemqorlyq táýekelderin aıtarlyqtaı tómendetetin baǵyttardyń biri - memlekettik qyzmetterdi onlaın-formatqa aýystyrý. Elordada bul jumysty jyl sońyna deıin 100%-ǵa deıin jetkizý josparlanyp otyr.

"Bıznes-úderisterdi ońtaılandyrý, ákimshilik kedergilerdi joıý jáne memlekettik qyzmetterdi avtomattandyrý sybaılas jemqorlyq táýekelderin tómendetedi. Búginde ákimdik 160 memlekettik qyzmet kórsetýde, onyń 140-y avtomattandyrylǵan, bul 88%-dy quraıdy. Osy jyldyń sońyna deıin biz barlyq memlekettik qyzmetterdi tolyq sıfrlandyrǵymyz keledi", – dedi tikeleı efır barysynda Baqtııar Máken.

Sonymen qatar búginde densaýlyq pasporttaryn elektrondy formatqa kóshirý jumystary tolyq aıaqtaldy. Sondaı-aq, Memleket basshysynyń tapsyrmasy boıynsha ınjenerlik jelilerdi sıfrlandyrý júrgizilýde. Bul birneshe máseleni sheshýge, sonyń ishinde jelidegi júktemelerdi kórýge, qala qurylysy prosesterin aýystyrýdy, boljaýdy jáne modeldeýdi josparlaýǵa múmkindik beredi. Sondaı-aq, elordada shyǵyndardy ońtaılandyrýǵa kóp kóńil bólinedi.

"Mádenı-buqaralyq jáne ımıdjdik is-sharalar men kólemdi shyǵyndar qysqartyldy, damý bıýdjeti boıynsha shyǵystar qaıta qaraldy. Osylaısha, bıznes-prosesterdi ońtaılandyrý, qaıta uıymdastyrý jáne qaıtalanatyn fýnksııalardy alyp tastaý esebinen 35 mlrd teńgeden astam únemdeý qamtamasyz etildi, olar áleýmettik mańyzy bar jobalardy iske asyrýǵa jáne azamattardy memlekettik qoldaýdy qamtamasyz etýge baǵyttalǵan", – dedi Baqtııar Máken.

Aıta keteıik, elordalyq oqýshylar qashyqtan oqytýǵa kóshkennen keıin, kompıýterlermen jáne qajetti tehnıkamen tolyq qamtamasyz etildi. Nur-Sultanda sybaılas jemqorlyq táýekelderin boldyrmaý boıynsha jumys turaqty túrde júrgiziledi.

Sońǵy jańalyqtar

«Qyzyl» aımaqqa taǵy eki oblys qosyldy

Qazaqstan • Búgin, 12:17

Pnevmonııadan eki adam qaıtys boldy

Koronavırýs • Búgin, 10:00

Aqtóbede bala sýǵa batyp ketti

Aımaqtar • Búgin, 09:30

Elbasy Altaı Kólginovty qabyldady

Elbasy • 14 Mamyr, 2021

Shý aýdanynda 1,5 myń jumys orny ashylady

Aımaqtar • 14 Mamyr, 2021

Araq satylmaıtyn aýdan

Aımaqtar • 14 Mamyr, 2021

Shýchede jańa sport kesheni salynady

Aımaqtar • 14 Mamyr, 2021

Uqsas jańalyqtar