Bul aksııanyń negizgi maqsaty - elimizdiń táýelsizdiginiń basty nyshany rámizderdi elimizdiń árbir jasyn qurmetteýge qalyptastyrý. Qazirgi qoǵamda teńinen taralyp jatqan syrtqy kúshterdiń elimizdiń ımıdjine nuqsan keltiretin áreketterge tótep berý. Qaı salada bolmasyn úzdikter qatarynan tabylyp, kók baıraǵymyzdy jelbiretý basty muratymyz bolatynyn eske salý bolatyn.
"Árıne, rámizderdiń mańyzdylyǵyn dáripteý baǵytyndaǵy sharalardy jıi ótkizip turamyz. Biraq, qazirgi halyqaralyq deńgeıde elimizdiń ımıdjine qarsy jasalyp jatqan áreketter kezinde boıymyzdy tikteý úshin, jastardyń boıyndaǵy jigerdiń janalmaýy maqsatynda osyndaı aksııa ótti. Bul keń aýqymdy, respýblıkalyq shara bolǵandyqtan Túrkistan jastary da óz úlesterin qosýda", - dedi Túrkistan oblysy qoǵamdyq damý basqarmasy "Jastar resýrstyq ortalyǵy" basshysy Amalbek О́mirtaı.
Sondaı-aq atalǵan aksııany Túrkistan oblysyndaǵy aýdan, qalalardaǵy jastar da qoldap, memlekettik týymyzdyń mártebesin kóterýge, qadir-qasıetin arttyrýǵa úles qosýda. Odan bólek, tárbıelik máni zor bastamany qoldaǵandardyń qatary áleýmettik jelilerde de artyp jatqanyn baıqaýǵa bolady.
Aıta keteıik, aksııa tek qana Qazaqstan aýmaǵynda shektelip qalmaý úshin úsh tilde #KókbaıraǵymMaqtanyshym, #Iаgorjýssvoımflagom, #IsOurPride heshtegteri qoldanylýda.
