Kollajdy jasaǵan Záýresh SMAǴUL, «EQ»
Máselen, «Qazaqstannyń teń quqyqtary men teń múmkindikteri ınstıtýty» qoǵamdyq qoryna 10 jyl tolǵan. Osy ýaqyt ishinde Qor 20 qoǵamdyq mańyzdy jáne áleýmettik jobany iske asyryp, 100 adamdy jumys ornymen qamtamasyz etip, mańyzdy qujattardy ázirleýge qatysqan.
Qor 2017 jyldan beri áleýmettik mańyzy bar joba – turmystyq zorlyq-zombylyq kórgenderdi panalatatyn «ARASHA» baspanasyn iske asyryp keledi. Aıtqandaı, «ARASHA» baspanasy Almaty qalalyq Jumyspen qamtý jáne áleýmettik baǵdarlamalar basqarmasy men Eńbek jáne halyqty áleýmettik qorǵaý mınıstrliginiń qoldaýymen ashylǵan.
Sodan beri sońǵy úsh jylda osy áleýmettik baspana jaqyndarynan álimjettik kórgen 342 áıel men balanyń úıine aınaldy. Qor prezıdenti, balalar psıhologi Margarıta О́skembaeva buryn da qıyn jaǵdaıǵa tap bolǵan áıelderge kómektesip kelgendikten, turmystyq zorlyq-zombylyq jábirlenýshilerine júıeli kómek qajet ekenine kózi jetip, osy iske muryndyq bolyp otyr.
Baspana bir táýlikte 20 adamdy panalata alady. Sonymen qatar zańgerlik keńes pen psıhologııalyq kómekke júgingen áıelderdi kúndizgi jáne keshki ýaqytta qabyldaý úshin jaǵdaı jasalynǵan. «ARASHA» baspanasy jáne «jedel jeli» táýlik boıy jumys isteıdi. Kómekke muqtaj barlyq adamdar qaýipsiz jerge ornalastyrylady, olarǵa tamaq berilip, qamqorlyq kórsetiledi. Sondaı-aq zańdy, psıhologııalyq, qajet bolǵan jaǵdaıda medısınalyq qoldaý kórsetiledi.
Áleýmettik qyzmetker-baspana úılestirýshisi qajetti anyqtamalardy alýǵa, qujattardy qalpyna keltirýge, aýystyrýǵa, memlekettik organdarǵa ótinish jazýǵa kómektesedi. Sonymen qatar ártúrli baǵyttaǵy trenıngter uıymdastyrylady, onyń arqasynda áıelder men balalar qoldaý, kómek alady.
О́tken jyly Aqparat jáne qoǵamdyq damý mınıstrliginiń tapsyrysy boıynsha jáne «Azamattyq bastamalardy qoldaý ortalyǵy» KeAQ granttyq qoldaýymen Qor «Qazaqstandyq otbasylar-2019» aýqymdy zertteýin júrgizdi. Oǵan 3 myńnan astam qazaqstandyq qatysypty. Zertteý Nur-Sultan, Almaty jáne Shymkent qalalarynda jáne elimizdiń 14 óńirinde júrgizildi. Alǵash ret qazaqstandyq otbasylar ártúrli turǵydan qaraldy.
Al bıyl, ıaǵnı 2020 jyly Qor eki mańyzdy jobany sátti júzege asyrýda: «Jastar arasynda otbasylyq qundylyqtardy nyǵaıtý jónindegi is-sharalar kesheni» jáne «Jastar arasynda sýısıdtik minez-qulyqtyń aldyn alýǵa baǵyttalǵan is-sharalar keshenin ótkizý».
Bul jobalar da Aqparat jáne qoǵamdyq damý mınıstrliginiń tapsyrysy boıynsha jáne «Azamattyq bastamalardy qoldaý ortalyǵy» KeAQ granttyq qoldaýymen júzege asyrylady.
Birinshi joba boıynsha jarty jyl ishinde «Qazaqstannyń teń quqyqtary men teń múmkindikteri ınstıtýty» QQ elimizdiń 17 óńirindegi jastar arasynda otbasylyq qundylyqtardy nyǵaıtýdy kózdeıtin aýqymdy aqparattyq naýqan ótkizdi. Onyń ishinde ajyrasý aldynda turǵan erli-zaıyptylarǵa arnalǵan 14 trenıng 600 adamdy qamtyǵan kórinedi.
Sol sııaqty «Meniń otbasym – meniń baılyǵym!» otbasylyq fotografııa baıqaýyna 150-den astam adam qatysypty. Al 30 adam qatysqan «Qazaqstandyq otbasylardyń súıikti taǵamdary» bul iske qanshalyqty septesedi? Jáne 100 shaqty adam qosylǵan «Siz úshin otbasy degenimiz ne?» degen baıqaý-saýalnama da uıymdastyrylǵan. Bıyl 12-13 qyrkúıekte onlaın formatta «OTAUFEST» otbasylyq festıvali ótip, oǵan 7 myńnan astam adam qatysqan.
Osy qazan aıynda qor elimizdiń óńirlerinde «Meniń otbasym – meniń baılyǵym» aksııasyn ótkizbek. Oǵan mektep oqýshylary, stýdentter, psıhologter, «OTAUFEST» otbasylyq festıvaliniń jeńimpazdary, medıa tulǵalar qatysady. Aksııa jalpy 17 myńnan astam adamdy qamtýdy kózdeıdi.
Ekinshi, «Jastar arasynda sýısıdtik minez-qulyqtyń aldyn alýǵa baǵyttalǵan is-sharalar keshenin ótkizý» jobasynyń qandaı paıdasy bar? Bul «Men ómirdi tańdaımyn!» aýqymdy aqparattyq-túsindirý naýqany elimizdiń 17 óńirin qamtýy kerek. Joba aıasynda «Qazaqstandyq jastardyń sýısıdtik minez-qulqy: áleýmettik jáne psıhologııalyq trıggerler» aýqymdy áleýmettik zertteý júrgizilip, tanystyrylypty. Saýalnamaǵa 16-29 jas aralyǵyndaǵy 2 myń adam tartylǵan.
Joba jetekshileriniń sózine qaraǵanda, qyrkúıek aıynyń sońynan bastap «Men ómirdi tańdaımyn!» sharasy óńirlerdegi mektep, kolledj oqýshylary jáne JOO stýdentteri arasynda Zoom platformasynda ótýde. Jastar aldynda tanymal qazaqstandyq psıhologter, jastar arasyndaǵy sýısıdpen jumys jónindegi mamandar, medıa tulǵalar ómirdi baǵalaýǵa shaqyryp, sóz sóıleıdi. Qazan aıynda barlyq óńirde jetekshi sarapshylardyń qatysýymen dóńgelek ústelder ótedi. Sharaǵa 15 myńnan astam jas qazaqstandyq qatysady.
ALMATY
