Ujymdaǵy «Jylýlyq syılaımyz» tujyrymdamasy aıasynda ótkizilip jatqan ıgi sharalardyń qatarynda, fılıal psıhologi uıymdastyrǵan «Júregińdi izgilikke úıret» marafonyn aıtýǵa bolady.
«Adam keı ýaqytta ózine degen senimin joǵaltyp, kúızeliske ushyraıdy. Solaı degenmen de, ómirge degen senimin, qushtarlyǵyn joǵaltpaı, toqtamastan tek qana alǵa umtylý kerek ekenin umytpaýy tıis. Qandaı jaǵdaı bolsyn, bar kúsh-jigerin jınap, alǵa umtylsa ǵana barlyǵyn jeńip, júreginde de, jan dúnıesinde de tynyshtyq ornaıtynyna, barlyǵy tek jaqsy bolatynyna senýi kerek. Osy senimdi adam boıyna uıalatý úshin bizdiń psıholog mamanymyz bir aı boıy marafon júrgizip otyr. Bul dál qazirgi ýaqytta qajet dep bilemiz», deıdi fılıaldyń PR-menedjeri Jańyl Ápetova.
Adamnyń tutyný quraldarynyń damýy artqanymen, adam boıyndaǵy asyl qasıetterdiń qundylyǵy kemı túsken myna zamanda, kún uzaǵyna pendelik qym-qýyt tirlikpen arpalysqan adam, bir sát jabyrqaý tartqan janyna rýhanı qýat izdeıdi. Sol sátte onyń jaǵdaıyn túsinip, kómek qolyn sozatyn adam psıholog qana. Psıhologpen áńgimelesý sanany silkindirip, tunyq oılardyń tuma kózderin ashary búginde dáleldengen shyndyq. Bul mamandyq óte tózimdilikti, shydamdylyqty, bilimdilik pen biliktilikti, meıirimdilik pen talap qoıa bilýdi kerek etedi desek, ujym psıhologi Darıǵa Sársen osy údeden shyǵa bilgen maman. Onyń ««Júregińdi izgilikke úıret» marafony barysynda uıymdastyrǵan sharalary, talaı adamnyń janyna izgilik nuryn quıyp, boıyna senimdilik uıalatty.
Qazan aıy boıy jalǵasyp jatqan marafon maqsaty – adamdardyń emosıonaldy-qundylyq salasyn damytý, adamdardyń qıyn psıhologııalyq jaǵdaıdaǵy áreketterine durys baǵyt berý, emosıonaldyq stresten arylý joldaryn kórsetý, qoǵamdaǵy minez-qulyq normalaryn qalyptastyrý jáne bir-birimen qarym-qatynas jasaý jáne mádenı minez-qulyqty tárbıeleý. Qyzmetkerlerdiń ujymda jumys isteı bilý qabiletin arttyrý, ózin ózi kórsetý úshin jaǵdaı jasaý arqyly ózin ózi taný prosesine yqpal etý.
«Júregińdi izgilikke úıret» aılyq-marafony barysynda «Qıyn psıhologııalyq jaǵdaıdaǵy qyzmetkerlerdiń áreketteri», «Temperament týraly túsinik», «Kúızelis kezeńderi men belgileri», «Toryǵý jáne odan arylý joldary» syndy taqyryptarda semınarlar, «Tulǵanyń sabyrlylyǵyn baǵalaý» taqyrybynda synaqtar men Hasaı Álıevtiń «Kilt» ádisi boıynsha jattyǵýlar keshenin onlaın rejimde júrgizedi.
Jattyǵýlar men sabaqtar, qarapaıym, yńǵaıly jáne óte tıimdi. Olar kúızelispen kúresýge, jan tynyshtyǵyn tabýǵa ǵana emes, sonymen qatar problemalaryn sheshýge, toryǵýdyń teris energııasyn joıa otyryp, deneniń saýyǵýyna yqpal etedi. Qatysýshylarǵa tulǵa boıyndaǵy qasıetter jóninde, temperament tıpteri men minez túrleri týraly maǵlumat berip, alǵan bilimderin kásiptik qyzmet barysynda qoldana bilýge úıretedi.
«Mine, búgin taǵy da júzdegen jannyń rızashylyǵyna bólendim. Kásibı bilimim arqyly aınalama kóterińki kóńil kúı syılaý, áriptesterimniń jańasha qyrynan kórinýine qoldaý kórsetý, shyǵarmashylyq oı-qııaldaryna shabyt berý, meniń kúndelikti jaqsy kórip aınalysatyn isim. Bul degeniń keremet emes pe?! Olaı deıtinim, qazir men «Azamattarǵa arnalǵan úkimettiń» Almaty qalasy fılıalynda psıholog bola júrip, kún saıyn kezdesetin qıynshylyqtarmen, problemalarmen betpe-bet kelip, óz bilimimdi shyńdaý, izdený ústindemin. Adamdardyń rıza júzderin kórgende eńbegimniń, jumysymnyń janǵany dep bilemin», deıdi Darıǵa Eltaıqyzy.
«Psıhologtiń marafon barysynda bizben júrgizgen «Bala kezimdegi fotodan meni tap», «Meniń súıikti fılmderim», «Meniń otbasym» sııaqty basqa da taqyryptardaǵy onlaın jattyǵýlary bizdi jaqyndastyra tústi. Janymyzda júrgen jandardy jaqyn tanı bastadyq. Bir-birimiz týraly kóbirek bile otyryp, bir-birimizge qyzyqty bola bastadyq. О́zara ashyq aralasýdan qysylmaıtyn boldyq, jumystan tys kezde qıyn kóringen isterimizdiń áriptesterimizben birge jasaǵanda ońaıyraq bolatynyn baıqadyq», deıdi HQO qyzmetkeri Aıgúl Turlybekova.
Almatydaǵy HQO psıhologi Darıǵa Sársenniń Zoom platformasynda onlaın rejimde ótetin konferensııalaryna kez kelgen adam qatysa alady. Bul kúnderi «Izgi júrekti jandar» aılyq-marafonyna 3 myńǵa jýyq adam qatysyp úlgerdi.
ALMATY
