Jarys kúniniń ekinshi jartysynda 1/16 fınaldyq kezdesýler bastaldy. Kezdesýlerdiń barlyǵy tartysqa toly boldy. Jeńimpazdar kóp jaǵdaıda úsh settik matchtar men taı-breıkte anyqtaldy.
Týrnırdiń birinshi kúni jergilikti jankúıerdiń nazary Dmıtrıı Popkoda bolǵan. Uıymdastyrýshylardan ýaıld-karta alǵan Qazaqstan tennısshisi kortta baryn saldy, alaıda jeńis qarsylasyna buıyrdy.
Birinshi raýnd kezdesýinde Dmıtrıı Popkoǵa Moldova ókili Radý Albot (álemniń 85-raketkasy) qarsylas atandy.
Match asa tartysty jaǵdaıda ótti. Tennısshiler birinshi settiń basynda breıktermen almasty. Esep 4:4 bolǵanda Dmıtrıı Popko setke dop berip, alǵashqy partııany óz paıdasyna sheshti.
Ekinshi sette 4:1 esebimen utylyp jatqan Dmıtrıı esepti teńestirip ketken, alaıda Albot sońǵy eki sheshýshi oıynda basymdyq tanytty. Úshinshi set eki qarsylastyń dop almasýymen ótti, degenmen Radý Albot bul joly da myqtylyǵyn moıyndatyp ketti. Esep: 6:4, 4:6, 6:4.
"Júıkem syr berdi, ádettegi matchtardyń biri dep ózimdi sendirýge tyrystym. Bul men úırengen kort, ózimdi jaqsy sezinemin. Biraq men keı sátterde tym sylbyr oınaǵanymdy moıyndaımyn, táýkelge barmadym, qarsylasym qaı jerden múl ketedi dep, onyń oıynyn ańdýmen boldym. Osy meniń qatelegim boldy. Mende bes birdeı breık-poınt boldy, biraq men olardy sátti paıdalandym dep aıta almaımyn. Múmkin men jeńiske jetýdi kóp oılaǵan bolarmyn, qajet sátte berilgen múmkindikti múlt jiberip aldym", - dedi Dmıtrıı Popko oıynnan keıin.
Erler arasyndaǵy jekeleı synnyń negizgi kestesinde úsh qazaqstandyq qaldy: Mıhaıl Kýkýshkın, Aleksandr Býblık jáne ýaıld-kartanyń taǵy bir ıegeri Aleksandr Nedovesov.
Ortalyq korttaǵy oıyn kúnin birinshi kúnniń eń tartysty kezdesýi aıaqtady. Elorda tórinde ótip jatqan týrnırge álemdik deńgeıdegi tennıs juldyzdary, jankúıerge esimderi jaqsy tanys sport juldyzdary jınaldy. Sondyqtan olardyń ár-bir kezdesýi sporttyq tartysqa toly bolatyny anyq.
Álemniń jetinshi raketkasy bolǵan Fernando Verdasko (Ispanııa) jáne onyń birinshi raýndtaǵy qarsylasy Djeıms Dakvort (Avstralııa) arasyndaǵy kezdesý naǵyz sheberlerdiń báıgesine aınaldy. Ekeýiniń de dop berý jyldamdyǵy saǵatyna 200 km jetti, sheberlikteri bir-birinen kem túspeıdi, kortta joǵary deńgeıdegi, naǵyz myqtylarǵa saı oıyn kórsetti. Verdasko birinshi sette jeńiske jetti. Ekinshisinde Dakvort enshisine eki setbol alǵan, alaıda avstralııalyq óz múmkindigin ýysynan shyǵaryp aldy. Al taı-breıkte Verdaskonyń joly bolyp ketti: 6:4, 7:6 (7:5).
Álemdik reıtıngtiń 64 satysyna ornalasqan Frensıs Tıafý 1/8 fınalǵa shyǵý úshin franzýz Korenteno Mýtemen oınady. Tıafý kortta ózine senimdi kórinde, dop berýleri de sátti shyqty. Mýte júıkesi syr berdime birneshe ret tóreshimen sóz talasyp qaldy, aqyry eskertý aldy. Shıeleniske toly bolǵan fınaldyq geımde fransýz sportshysy qatelikke boı aldyrdy, Al qarsylasy bolsa kezdesýdegi jeńis upaıyn óz paıdasyna jazdy. Esep: 6:3, 6:2.
Astana Open alǵashqy kúniniń barlyq nátıjeleri
Ekinshi irikteý kezdesýleri:
Aslan Karasev (Reseı) – Alekseı Popyrın (Avstralııa): 6:3, 6:3;
Damır Djýmhýr (Bosnııa jáne Gersegovına) – Iаnnık Hanfman (Germanııa): 6:4, 6:4;
Iýıtı Sýgıta (Japonııa) – Mark Polmans (Avstralııa): 3:6, 6:2, 7:6 (7:5);
Emıl Rýýsývýorı (Fınlıandııa) – Vıktor Troıskı (Serbııa): 6:3, 6:7 (3:7), 6:3.
1/16 fınal:
Radý Albot (Moldova) – Dmıtrıı Popko (Qazaqstan): 6:4, 4:6, 6:4;
Fernando Verdasko (Ispanııa) – Djeıms Dakvort (Avstralııa): 6:4, 7:6 (7:5);
Frensıs Tıafý (AQSh) – Korenten Mýte (Fransııa): 6:3, 6:2;
Tommı Pol (AQSh) – Stefano Travalıa (Italııa): 7:6 (7:2), 6:3;
Kemeron Norrı (Ulybrıtanııa) – Djordan Tompson (Avstralııa)
