Soltústikqazaqstandyq aýyl turǵyndary úshin jylqynyń mańyzy aıtarlyqtaı zor. Ol ári soǵym, ári satsa pul bolady. Jazda qymyzyn ishetinder de sońǵy jyldary kóbeıip keledi. Al bıylǵy jaman indettiń kezinde qymyz adamdardyń ımmýnıtetin kóteretin birden-bir sýsyn retinde taraldy. Onyń ústine kólik retinde qoldanatyndar da aýylda áli kúnge kóp. Osyndaı malynan aırylyp qalǵan aýyl adamynyń kúızelizin túsinýge bolady.
Dabyl kezekshi bólimge túsken boıynda ol polısııa bólimderine jetkizilen. Sonyń ishinde osy aýyl mańynda kezekshilik etken ákimshilik polısııa bóliminiń qyzmetkeri, polısııanyń aǵa leıtenanty Azamat Kóppergenov pen aǵa krımınalıst, polısııa maıory Aıdarbek Hamzınge de habar jetken. Olar oqıǵa ornyna baryp, iz kesýge kirisedi.
Osydan bir-eki kún buryn Novoandreevka aýylynan shamamen úsh shaqyrymdaı jerde ornalasqan Qatanaı aýylyna qaraı bettep bara jatqan jylqylardy kórgen kýáger tabylady. Polıseıler aýyl turǵyndarymen birge ormandardy aralaýǵa kirisedi. Bir ormannyń ishinde Aıdarbek Hamzın alysta júrgen jylqylardy baıqaıdy. Qulynnyń jibi shópke oralyp qalyp, bıe odan alystaı almaı, qasynda tur eken. Bular naq joǵalǵan jylqylar bolyp shyqqan. Maly tabylǵan ıesiniń qýanyshy sheksiz boldy. "Jylqylardy bar qarajatymdy jumsap, jýyrda ǵana satyp alǵan edim. Polısııa qyzmetkerlerdiń qaıyrymdylyǵy, izdeýge jedel kirisip ketkenderi úshin aýdandyq polısııa bóliminiń basshylyǵyna alǵys bildiremin", - dedi ol.
Sóıtip izshil polısııa qyzmetkerleriniń qatysýymen izdeý jumysy jarty kúnge ǵana sozylǵan. «Kúnkóris kózine aınalǵan tórt-túlik aýyl turǵyndary úshin asa mańyzdy. Maldarynan aırylyp qalsa adamdar qatty kúızeledi. Sondyqtan da biz mundaıda qolymyzdan kelgen kómegimizdi jedel jasaýǵa tyrysamyz, - dedi Mamlıýt aýdany PB bastyǵy, polısııa podpolkovnıgi Serik Áljanov. "Qyzmetkerlerimizdiń turǵyndarǵa qýanysh syılaǵany bizdiń de óz jumysymyzǵa degen yntamyzdy arttyra túsedi. Maly joǵalǵan adamnyń beınekórinis arqyly alǵys aıtqany biz úshin úlken marapat boldy", dedi ol.
Bir jaqsysy osy aýdanda ústimizdegi jyldyń toǵyz aıynda birde-bir mal urlaý faktisi tirkelmegen. Osynyń ózi polısııanyń nátıjeli, jedel jumysynyń aıǵaǵy bolsa kerek. Alaıda, aýdandyq polısııa bóliminiń qyzmetkerleri joǵalyp ketken janýarlardy izdeýge 11 ret qatysty.
Soltústik Qazaqstan oblysy
