Máselen, ótken demalys kúnderi sondaı birneshe oqıǵa boldy. Sonyń biri Omby-Petropavl tasjolymen kele jatqan jolaýshylardyń basynda bolǵan. Bul jaıly jolaýshy Instagramm paraqshasynda bylaı dep jazǵan: "Túngi saǵat 1 shamasynda Omby tasjolymen Petropavlǵa qaraı bet túzegen bolatynbyz. Boran bastalyp, joldyń beti kóktaıǵaqqa aınaldy, baýyrym ekeýmiz mingen kólik kóktaıǵaqtyń kesirinen joldan kıývetke túsip ketti. Kómekke polısııany shaqyrǵan edik. Olar der kezinde jetip, kómek qolyn sozdy. Jedel áreket etip, jolǵa alyp shyqqan JPQ qyzmetkerlerine alǵys bildirgimiz keledi. Jigitterge úlken raqmet. Patrýldik mashınanyń nómiri 0054", - delingen onda.
Al Esil aýdanynda KAMAZ-dyń júrgizýshisi kóktaıǵaq jolmen alysa otyryp, densaýlyǵynyń nasharlaýyna baılanysty kóligin toqtatýǵa májbúr bolǵan. Ol da polısııanyń dabyl qabyldaıtyn nómirine habarlasyp, ózine kómek suraǵan. Jedel kelgen patrýldik polısııanyń qyzmetkerleri Nursultan Aýshahmanov pen Qaısar Muqanov syrqattanǵan júrgizýshini aýrýhanaǵa jetkizgen. Buǵan naýqastanyp qalǵan júrgizýshi jumys isteıtin "Petropavl-joldary" JShS Esil óndiristik jol ýchaskesiniń bastyǵy SQO Polısııa departamentine júginip, kórsetken kómegi úshin alǵysyn bildirdi.
Al keshe Petropavl qalasynyń bir turǵyny tańǵy mezgilde keleńsiz jaǵdaıǵa tap boldy. Ol kóktaıǵaqtyń kesirinen mashınasyn sóndirip alyp, joldyń ortasyna turyp qalǵan. «Amalym taýsylǵan men joldyń ortasynda jol-jónekeı kólikterge kedergi keltirdim», - deıdi kóligi Jambyl men Chelıýskın kósheleriniń qıylysynda mashınasy ot almaı qalǵan Baqytjan Jaqypova.
Basqa sharasy bolmaǵan soń ol da polısııaǵa habarlasýǵa májbúr bolǵan. Sóıtip 20 mınýttaı jolda turǵan áıelge polıseıler kómekke kelgen. Patrýldik polısııa batalonynyń qyzmetkerleri Danııar О́tegenov pen Jambyl Qalıev kólikti tirkeýge alyp, tehnıkalyq qyzmet kórsetý stansııasyna jetkizgen. «О́zgeniń basynda oryn alǵan jaǵdaıǵa beı-jaı qaramaı, kómek qolyn sozǵan tártip saqshylaryna alǵys bildiremin», - dep jazǵan áıel.
Kóktaıǵaqtyń kesiri qys boıy zalalyn tıgizeri anyq. Sondyqtan patrýldik polısııa júrgizýshilerge der kezinde qystyq dóńgelekterin salyp, saqtyq sharalaryn jiti saqtaýdy eskertedi.
Soltústik Qazaqstan oblysy
