Onymen qosa shaharda sporttyq ınfraqurylymdy damytý, buqaralyq sportty nasıhattaýda júıeli jumystar atqarylýda.
Qalalyq deneshynyqtyrý jáne sport basqarmasynyń málimetinshe, 9 aıda qala sportshylary QR chempıonattary, kýboktary men birinshilikterine qatysyp, 112 altyn, 96 kúmis, 92 qola medal jeńip aldy. Azııa chempıonattary men kýboktarynda qala sportshylary 2 kúmis, 3 qola medalge qol jetkizse, Álem chempıonattary men kýboktarynda 1 qola medalge ıe boldy.
Osy jyldyń 9 aıynyń qorytyndysy boıynsha 7 "Halyqaralyq dárejedegi sport sheberi", 52 "Qazaqstan Respýblıkasynyń sport sheberi", 104 sport sheberine úmitker sportshylar daıyndaldy.
Búginde 2021 jylǵy HHHII-Jazǵy Olımpıada oıyndaryna daıyndyq jumystary júrgizilýde. Ázirge qala sportshylarynyń qorjynynda 4 Olımpıada joldamasy bar. Halyqty dene shynyqtyrýmen shuǵyldanýǵa tartý jáne sporttyq ınfraqurylymdy, buqaralyq sportty tıisti deńgeıde damytý maqsatynda qalada memlekettik jekeshilik-áriptestik tetigi arqyly 4 sport nysany jumys isteıdi.
