Mańǵystaý oblysynyń Taýarlar men kórsetiletin qyzmetterdiń sapasy men qaýipsizdigin baqylaý departamentinin basshysy Ǵazız Nadýev habarlaǵandaı, vedomstvoaralyq komıssııa otyrysynda karantın talaptaryn buzǵan toıhana, dámhana ıelerine qatysty zań jobasyn ázirleý týraly bastama kóterilgen.
Sebebi keı óńirlerde otbasylyq merekeler uıymdastyryp ákimshilik sharaǵa tartylǵan kásipkerler taǵy da karantın talaptaryn saqtamaı birneshe ret toı jasaý derekteri tirkelgen. Sondaı-aq óńirde sońǵy 20 kúnde 27 karantın talabyn buzý deregi anyqtalǵan.
"Reıd barysynda 108 nysanda zańbuzýshylyq anyqtalyp, 57 (12 jeke kásipker, 44 jeke tulǵa, 1 zańdy tulǵa) ákimshilik hattama (5 mln 972 700 teńge) toltyryldy. Aldaǵy ýaqytta karantın talaptaryn buzyp, bir ret aıyppul tólese de, taǵy da kópshilikti jınaǵan kásipkerler sottyń sheshimimen meıramhanany múlde jabýy múmkin. Vedomstvoaralyq komıssııa otyrysynda karantın talaptaryn buzǵan toıhana, kafe ıelerine qatysty zań jobasyn ázirleý týraly bastama kóterildi. Oǵan sebep, keı óńirlerde otbasylyq merekeler uıymdastyryp, ákimshilik sharaǵa tartylǵan kásipkerler taǵy da karantın talaptaryn saqtamaı, birneshe ret toı jasaý derekteri tirkelgen", dedi Ǵazız Nadýev.
