Saltanatty sharanyń ashylý rásiminde oblys basshysy O.Orazalın uly aqynnyń halqymyzdyń ómirinen alar aıshyqty ornyn atap ótip, qurmetti qonaqtarǵa alǵysyn bildirdi.
«Bıyl elimizde uly aqyn Abaı Qunanbaıulynyń týǵanyna 175 jyl tolýyna baılanysty kóptegen is-sharalar josparlanǵan bolatyn. Alaıda, əlemde oryn alyp jatqan epıdemıologııalyq ahýaldyń saldarynan josparlanǵan sharalar keıinge shegerilgenimen, ár óńirde uly aqynǵa arnalǵan túrli sharalardy jańa formatta ótip jatyr. Mine, búgin súıikti meken –Aqtóbemizdiń dál ortasynan uly aqynnyń qurmetine eskertkish ashylǵaly otyr.
Bárimizge belgili, Abaıdyń óleńderi men qara sózderinde ult bolmysy, bitimi, turmysy, tirshiligi, dúnıetanymy, rýhy únemi kórinis taýyp keledi. Bıylǵy mereıtoı elge oı salatyn, taǵylymy mol naqty sharalarmen jalǵasyp jatqanyn da aıta ketken jón. Álemge tanymal bas aqynymyzdyń eńbegin halyq bolyp ulyqtaý memleketimizdiń mereıin arttyrdy. Uly oıshyldyń asyl murasyn ardaqtaý jáne jan-jaqty dáripteý – barshamyzdyń mindetimiz. Ol úshin búgingi býyn Abaı murasynan nár alyp, rýhanı kemeldenýi qajet. Bul úrdis Abaı jylynan keıin de jalǵasyn tabatyn bolady», - dedi oblys ákimi.
Eskertkishtiń ashylý saltanatynda Qazaqstan Jazýshylar Odaǵynyń Basqarma tóraǵasy U.Esdáýlet, aqyn A.Baqtygereeva quttyqtaý sóz sóılep, QR Mádenıet jáne sport mınıstriniń keńesshisi E.Jurynbaev mınıstrdiń arnaıy quttyqtaý sózin jetkizdi. ShQO Abaı aýdanynyń ákimi J.Baısabyrov uly aqynǵa qurmet kórsetip jatqan aqtóbelik aǵaıynǵa alǵysyn bildirdi.
Eskertkish avtorlary – belgili músinshi, Qazaqstan Sýretshiler odaǵynyń múshesi Toqtar Ermekov jáne qalamyzdaǵy Áıteke bı, Jalańtós Bahadúr, Bókenbaı batyr, Álııa syndy tarıhı eskertkishterdiń avtory –Jeńis Jubanqosov. Aıta ketý kerek, eskertkishtiń bıiktigi –6,20 metr, tuǵyry –2,40 metr, Abaı músini –3,80 metr.
