Qandastar máselesi talqylandy

Jıynǵa tóraǵalyq etken Murat Baq­tııa­r­uly aldymen komıssııanyń jańa múshelerin tanystyrdy.

Odan keıin Aqmola oblysy «Nurly kósh» (Krasnyı Iаr) aýy­lyndaǵy qandastarǵa salyn­ǵan úılerdiń zańdastyrý máselesine toqtal­dy. Osy oraıda  Aqmola oblysy ákiminiń oryn­basary Asqar Muratuly buǵan deıin atqa­ryl­ǵan jumystardy baıandady. Sonymen birge qandas­tarǵa páter alý úshin qoıylǵan talaptardy túsindirdi.

Qazaqstan boıynsha oblystarda, onyń ishinde eldi mekenderde aýyl­sharýashylyq maqsatynda qoldanýǵa jaramdy, bos jer telimderi jáne olar­dy erikti qonys aýdarýshy qan­­dastarǵa berý má­se­lesi de komıssııa otyrysynda sóz boldy.

Qoldanystaǵy memlekettik baǵ­darlamalar aıasynda soltústik óńir­lerdegi qandastarǵa qatysty uzaq­merzimdi turaqty kóshi-qon saıa­satyn jandandyrý múmkindikteri de komıs­sııa nazarynan tys qalǵan joq. Sony­men birge Soltústik Qazaq­­stan oblysy Ju­myspen qam­týdy úılestirý jáne áleýmettik baǵdar­lamalar basqarmasynyń basshysy Almaz Qoshmanov aımaqqa shetelderden qonys aýdarýshy qan­dastardy úı-jaılarmen qam­tamasyz etý jáne beıimdelýine járdemdesý baǵytynda atqaryp jatqan is-sharalar jaıyn baıandap berdi.

Qoǵamdyq komıssııanyń qory­tyndysy boıynsha sheteldegi otandastardy jáne Qazaqstanǵa erikti túrde qonys aýdarǵan qan­dastardy qoldaý sharalary jóninde usy­nystar berilip, sondaı-aq qandastar máse­lelerine qatysty basqa da suraq­tar talqy­lanady.