Aımaqtar • 28 Qazan, 2020

Soltústikte Aıyrtaý aýdanynda jaýyngerlik granata tabyldy

21 ret kórsetildi

Osy aýdanǵa qarasty Imantaý aýylynyń turǵyny polısııaǵa qaýipti "olja" tapqany týraly habarlaǵan. 55 jastaǵy adam óziniń ıtterin serýendetip júrgende  jerde jatqan granata salynǵan paketti kórgen, dep habarlaıdy Egemen.kz

Oqys oqıǵa dereý oblysqa habarlanyp, Polısııa departamentiniń jedel jetken jarǵysh tehnık-mamandary "oljanyń" jaýyngerlik qol granat ekenin anyqtaǵan. Mamandar ony zalarsyzdandyryp, jarylǵysh zattardy tasymaldaýǵa arnalǵan konteınerge ornalastyrady.

"Bul fakti Qylmystyq kodeksiniń 287-baby 3-bóligi boıynsha sotqa deıingi tergep-tekserýdiń biryńǵaı tizilimine engizildi, onyń aıasynda saraptama taǵaıyndalady. Aýyl turǵyny kórsetken jerge tekserý júrgizildi. Basqa jarylǵysh zat tabylǵan joq", deıdi Aıyrtaý aýdany polısııa bóliminiń bastyǵy, polısııa polkovnıgi Marat Serkeshev.

Mundaı qaýipti qarý aýylǵa óz aıaǵymen kelmegeni anyq. Onyń qandaı áskerı bólimnen urlanǵany jáne qandaı maqsatpen urlanǵany jáne kimniń urlaǵanyn ashý polısııanyń aldynda turǵan jaýapty mindet. Eger ol aqyl-oıy durys adamnyń qolyna túspeı, mundaıdy qyzyqtaǵysh bala-shaǵanyń nemese jaman oıly adamnyń qolyna tússe, onyń arty úlken qaıǵyǵa soqtyrary sózsiz edi. Sondyqtan SQO PD bul faktige aıryqsha nazar aýdaryp otyr.   

Saraptama qorytyndysy shyqqannan keıin granatany PD mamandary polıgonda joıady. Osyǵan baılanysty kez kelgen kúdikti zat anyqtalsa, dereý polısııaǵa habarlaý kerek ekendigi turǵyndarǵa eskertildi. Mundaı qaýipti zattardy óz betimen tasymaldaý qaıǵyly oqıǵalarǵa ákelýi múmkin. Sondaı-aq, olar qarý-jaraq pen oq-dárilerdi óz erkimen tapsyrý qylmystyq jáne ákimshilik jaýapkershilikten bosatylatynyn eske salady.

Uqsas jańalyqtar