Aǵymdaǵy jyldyń 25 qazanynda Nur-sultan qalasynyń áýejaıyndaǵy Jelilik polısııa bólimine "Nursultan Nazarbaev Halyqaralyq áýejaıy" AQ tekserý qyzmetiniń ınspektory eki jolaýshyǵa qatysty shara qabyldaý týraly ótinishpen keldi.
Onyń aıtýynsha, olar balaǵat sózder aıtyp, ózderin dóreki ustaǵan, sóıtip "FlyArystan" áýekompanııasynyń "Nur-sultan – Almaty" baǵytyndaǵy áýereısine otyrǵyzý talonynsyz ótýge tyrysqan.
Oqıǵa ornynda Nur-sultan qalasynyń áýejaıyndaǵy JPb-niń qyzmetkerleri quqyqbuzýshylardy tynyshtandyrýǵa tyrysqandarymen, olar tártip saqshylarynyń eskertýlerine qulaq aspaı, baǵynbaýshylyq tanytqan.
Tekserý barysynda kólik polıseıleri olardyń 1985 jáne 1986 jyly týǵan Almaty qalasynyń turǵyndary ekenin anyqtady. Medısınalyq kýálandyrý qorytyndysyna sáıkes atalǵan azamattar jeńil dárejedegi alkogoldi masań kúıde bolǵan.
Osy fakti boıynsha polıseıler QR ÁQBtK-niń 440-babynyń 1-bóligi, ıaǵnı alkogoldik ishimdikter ishý nemese qoǵamdyq oryndarǵa masań kúıde kelý, QR ÁQBtK-niń 667-babynyń 1-bóligi, ıaǵnı quqyq qorǵaý organy qyzmetkeriniń zańdy talabyna baǵynbaý jáne QR ÁQBtK-niń 434-babynyń 1-bóligi ıaǵnı usaq buzaqylyq boıynsha birden úsh ákimshilik hattama toltyrdy.
Qoǵamdyq oryndarda masań kúıde bolý faktisi boıynsha olarǵa 5 AEK mólsherinde aıyppul salyndy, sondaı-aq ákimshilik quqyq buzýshylyq týraly zańnamanyń joǵaryda kórsetilgen eki baby boıynsha materıaldar prosessýaldyq sheshim qabyldaý úshin Almaty qalasynyń mamandandyrylǵan aýdanaralyq ákimshilik sotyna joldandy.
