Saıystyń qorytyndysy boıynsha Armııa ortalyq sport klýbynyń sportshysy efreıtor Ǵusman Qyrǵyzbaev 60 kelige deıingi salmaq dárejesinde álemdik reıtıngtegi úzdik dzıýdoshylardyń jetinshi qataryna endi. Onyń esebinde 4080 upaı bar.
"Býdapeshttegi "Úlken dýlyǵa" saıysy, koronavırýstyq pandemııamen baılanysty uzaq úzilisten keıingi alǵashqy mańyzdy týrnır boldy. Jarysqa qatysýshylar quramy óte bilekti, álemniń úzdik balýandary qatysty. Osyǵan qaramastan, Ǵusman joǵary nátıje kórsetti. Endi bizdi aldaǵy jarystarǵa úzdiksiz jattyǵýlar kútip tur", – dep óz oıymen bólisti Armııa ortalyq sport klýbynyń olımpıadalyq sport túrleri boıynsha shtattyq komandalardy daıarlaý bóliminiń bastyǵy maıor Anvar Úsenov.
Ǵusman Qyrǵyzbaev – QR Ulttyq quramasynyń múshesi, 2016 jyly Sıýrıhte (Shveısarııa) ótken CISM (Halyqaralyq áskerı sport keńesi) áskerı qyzmetshileri arasyndaǵy álem chempıonatynyń jeńimpazy, 2018 jyly Agadırde (Marokko) ótken Gran-prı kezeńiniń jáne de 2019 jyly Abý-Dabıde (BAÁ) ótken "Úlken Dýlyǵa" (Grand-Slam) týrnıriniń chempıony, ókildi halyqaralyq týrnırlerdiń birneshe dúrkin júldegeri.
