Asqar Moldaǵalı kata men kýmıteden tolyq lısenzııaǵa ıe halyqaralyq dárejedegi tóreshi. Ol óziniń jastyǵyna qaramastan, tájirıbesi men kásibı sheberliginiń arqasynda álemdik federasııanyń senimine kirgen.
"Árıne, bul maǵan ǵana emes, ulttyq federasııa men jalpy Qazaqstan sporty úshin jaǵymdy jańalyq. Olımpıada qarsańyndaǵy eki jyl tóreshiler úshin óte qıyn ótti. UOK, Konfederasııa men Mádenıet jáne sport mınıstrligi, sondaı-aq, ulttyq karate federasııasynyń qoldaýymen men múmkin bolǵan 25 lısenzııalyq týrnırdiń bárine qatystym. Olımpıadalyq sıkl aıaqtalǵansha atqaratyn jumys kóp. Degenmen, men úmitti aqtaýǵa tyrysamyn", - deıdi Asqar.
TMD elderiniń arasynan tek eki tóreshi ǵana tizimge ilingen. Olardyń biri Asqar Moldaǵalı, ekinshisi Ázirbaıjan ókili.
"Qazaqstandyq tóreshiniń Olımpıada oıyndarynda qyzmet etetin qazylar qataryna engeni otandyq Federasııanyń aýyzbirshiligi men eńbeginiń kórinisi. Bizdiń tóreshiler álemniń úzdikterimen bir deńgeıde jumys isteı alatynyn dáleldedi. Olımpıada qarsańynda qazaqstandyq komandanyń barlyq múshesi bir jaǵadan bas, bir jeńnen qol shyǵaryp, bir maqsat-múdde jolynda eńbek etti. Sondyqtan, álemdik uıymnan kelgen bul jańalyq bárimizdi qýantyp tastady", - deıdi komanda bas bapkeri Jastalap Sanaýov.
