"60 jyldyq mereıtoıyn atap ótip jatqan almatylyq "Qaırat" fýtbol komandasynyń aty ańyzǵa aınalǵan shabýylshysy Evstafıı Pehlevanıdı qazaq fýtbolyn jáne Qazaqstan men Grekııa arasyndaǵy dostyqty damytyp, dáripteýge orasan zor úles qosqan úshin 2-dárejeli "Dostyq" ordenimen marapattaldy", dep jazdy Prezıdent.
Buǵan deıin "Qaırat" fýtbol klýby aty ańyzǵa aınalǵan shabýylshyny 60 jyldyq mereıtoıymen quttyqtady.
"Bizdiń klýbtyń bul ardageri jaıly kóp nárse aıtýǵa bolady. Jankúıerler "Peha" dep atap ketken Evstafıı Pehlevanıdıdiń mańyzdy oıyndarda soqqan goly az emes, al kıevtik "Dınamonyń" qaqpasyna KSRO chempıonaty tarıhyndaǵy eń jyldam goldy soqty!", delingen fýtbol klýbynyń habarlamasynda.
