"Rýhanı jańǵyrý" baǵdarlamasy boıynsha tikeleı jumys jasap jatqan úkimettik emes uıymdar men mekemelerdiń ókilderi qatysqan kezdesýde atalmysh baǵytta júrgizilip jatqan jumystardyń barysy týraly áńgime órbidi.
"Ákim orynbasarynyń "Rýhanı jańǵyrýǵa" qatysty jumystardy júrgizý barysynda fleshmobtyq nemese soǵan jaqyn formadaǵy is-sharalardan arylý qajet jáne qoǵamdyq sanany ózgertetin tereń maǵynaly, praktıkalyq sıpaty bar jumystarǵa kóńil aýdarý kerek degen mazmundaǵy oıy kóńilden shyqty. О́z tarapymyzdan ýnıversıtettiń akademııalyq ortasy Qostanaı óńiriniń onomastıkasyna, tarıhyna, mádenı qundylyǵyna qatysty aýqymdy zertteýlerge bastamashy bolýǵa da, qosshy bolýǵa áleýeti men qarymy bar ekendigin aıtyp, oblys kóleminde «Rýhanı jańǵyrý» baǵdarlamasy sheńberinde belsendi túrde júrgizetin jumystardyń baǵyty týraly oıymyzdy ortaǵa saldyq. Atap aıtqanda, oblys kóleminde tarıhı derekter men dáıek kózderine súıengen keshendi onomastıkalyq zertteýler júrgizý, óńir tarıhy men mádenıetine qatysty rýhanı muralardy jarııalaý, shekaralyq aýyldardyń jaı-kúıi syndy máseleler qozǵaldy. Ákim orynbasary kóterilgen máselelerge túsinistikpen qaraıtynyn tanytyp, ol jumystardy atqarýdyń jolyn tabý máselesine toqtaldy. Bizdińshe, ákim orynbasarymen júzdesý syndarly, salmaqty, erkin jaǵdaıda júrdi. Jańa basshy pikirlesýge, oı bólisýge yqylasty ekenin tanytyp, qasań kózqarastardan alshaq bolýǵa umtylatynyn baıqatty", dedi "Rýhanı jańǵyrý" ortalyǵynyń jetekshisi, professor Almasbek Ábsadyq.
Kezdesý barysynda patshalyq Reseıde shyǵyp turǵan "Týrgaıskaıa gazeta" basylymyndaǵy Qostanaı, Torǵaı óńirine qatysty rýhanı muralardy jeke jınaq etip bastyryp shyǵarý máselesi qozǵaldy.
