Saýda-oıyn-saýyq ortalyqtary, jabyq bazarlar senbi kúni de qyzmet kórsete alady.Tek jeksenbi men mereke kúnderine shekteý qoıyldy.
"Dúısenbiden bastap kınoteatrlardyń jumysyn qaıta bastaýǵa sheshim qabyldadyq. Bastysy, sanıtarlyq talapty qatań saqtaýlary kerek. Jumys ýaqyty 9.00 den 22.00-ge deıin. Toltyrylýyn 30 %-dan asyrmaı, infokazakhstan.kz portalynda tirkele otyryp, maska rejımin, shahmat tártibimen otyrǵyzýdy, áleýmettik qashyqtyqty saqtaý sekildi shart qoıdyq. Ár seans aldynda dezınfeksııa jasalýy qajet", dedi Álııa Ábdiqaıymova.
Kúnniń erte batýyna baılanysty tamaqtaný oryndary, sulýlyq salondar, SPA ortalyqtary, monsha, sport zaldarynyń qyzmet kórsetý ýaqyty bir saǵatqa azaıtyldy. Iаǵnı. 22:00-ge deıin.
Al oıyn-saýyq, sporttyq is-sharalar, kórmeler, forýmdar, konferensııalar, sondaı-aq otbasylyq is-sharalar, adamdar kóp jınalatyn ózge de keshterdi ótkizýge tyıym jalǵasa beredi. Karaoke, bılıard, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalar oıyn alańdary men attraksıon, batýt, býkmekerlik keńse, fýdkortjumystaryna salynǵan tyıym áli de kúshinde.
Qyzylorda oblysy
