О́ziniń Instagram-daǵy paraqshasynda B. Saǵyntaev Naýryzbaı aýdanyndaǵy ınjenerlik jáne avtokólik ınfraqurylymynyń aýqymdy damýy erekshe baqylaýda ekenin atap ótti.
«Taıaý jyldary ortalyq sýmen qamtamasyz etýdi 100%-ǵa deıin jetkizý mindeti tur. Búginde ol bar bolǵany 30%-dy quraıdy. Jumys sapary kezinde sýmen jabdyqtaý jáne sý burý jelileriniń qurylysyn tekserdim. «Tastybulaq» yqshamaýdanyndaǵy jumys jyl sońyna deıin aıaqtalady. Kelesi jyly «Aqjar», «Quramys», «Taýjoly», «Qarǵaly», «Jaılaý», «Shuǵyla» yqshamaýdandarynda jeliler men «Qarǵaly» sý daıyndaý stansasyn salýdy josparlap otyrmyz», – dep jazdy B. Saǵyntaev.
Onyń aıtýynsha, Abaı dańǵylyn Momyshuly kóshesinen qala shekarasyna deıin tesip ótý júrgizilýde. Ýchaskeniń jalpy uzyndyǵy – 5,3 shaqyryı. Áshimov kóshesiniń qıylysynda jolaıryq salynyp jatyr.
Almaty ákimi B. Saǵyntaev Jer qatynastary basqarmasyna qurylys aımaǵyna kiretin jer ýchaskelerin satyp alý máselelerin tezdetip sheshýdi tapsyrdy. «Batys baǵyttaǵy trafıkti jeńildetý úshin jobany kelesi jyly aıaqtaý mindeti tur», - dep atap ótti shahar ákimi.
Sondaı-aq kelesi jyly Qonaev kóshesin qaıta jańartýdy (Jandosov kóshesiniń jalǵasy) Iаssaýı kóshesinen Rysqulov kóshesindegi «Taýsamaly» kentine deıin aıaqtaý josparlanýda. Uzyndyǵy 1,2 shaqyrym bolatyn jol 4 jolaqty bop keńeıtilip, trotýarlar men aryq jelisi salynady. Aýdanda qazir 57 kóshedegi 48 shaqyrym jolǵa asfalt tóseldi. 147 kóshege aǵymdaǵy jóndeý jumystary júrgizildi. 34 kóshede jańa trotýarlar men 18,7 shaqyrym aryq jelileri salyndy.
