Osy jyldyń basynda, ıaǵnı 25 qańtarda Premer-Mınıstrdiń tapsyrmasy boıynsha Kazakh Tourism ulttyq kompanııasy jedel ózara is-qımyl jasaý maqsatynda Almaty óńirinde týrızmdi damytý jónindegi birlesken jobalyq keńse quryp, oǵan Almaty qalasy men Almaty oblysy ákimdikteriniń ókilderi kirdi. Taraptar týrıstik ınfraqurylym jobalaryn daıyndaý jáne iske asyrý, taý klasterin qurý jáne damytý úshin kúsh biriktirýge kelisti.
Osyǵan oraı 24 qazanda «Kólsaı kólderi», «Ile – Alataý», «Altyn Emel», «Sharyn», «Jońǵar Alataýy» memlekettik ulttyq parkteriniń ókilderin shaqyrýmen jobalyq keńseniń keńeıtilgen keńesi ótip, onda árbir park ókilderiniń keńse quramyna kirýi týraly sheshim qabyldandy.
Osylaısha, Birikken jobalyq keńse Almaty óńirinde týrızmdi, onyń ishinde ekotýrızmdi damytý jónindegi strategııalyq organǵa aınalýy múmkin. Biryńǵaı alań qurý týrızmdi damytý, onyń ishinde ekotýrızm, ulttyq parkterdi sıfrlandyrý (ınternetke qoljetimdiligi bar wi-fi aımaqtardy uıymdastyrý, beınebaqylaýdy, dabyl túımelerin qamtamasyz etý), týrıstermen, áleýetti ınvestorlarmen, týragenttiktermen, jurtshylyq ókilderimen úılestirilgen jumysty júrgizý, ulttyq parkter úshin – reındjerler qyzmeti, taý týrızmi nusqaýshylary, alpınızm nusqaýshylary úshin kásibı kadrlar daıarlaý boıynsha mańyzdy máselelerdi jedel sheshýge múmkindik beredi.
«Ekotýrızm búkil álemde aıtarlyqtaı ósý qarqynyn kórsetedi, oǵan týrıster tarapynan qyzyǵýshylyq tek pandemııany eskere otyryp ósedi. Bul qazirgi jaǵdaıda halyqtyń ashyq keńistikte, taza aýamen, tabıǵat qushaǵynda bolý qajettiligine baılanysty. Tıisinshe, Qazaqstan ishinde, onyń ishinde ulttyq parkterde týrıster aǵynynyń ósýi taıaý jyldary sózsiz», dep atap ótti Kazakh Tourism UK AQ Basqarma tóraǵasy Erjan Erkinbaev.
«Sondyqtan memleketke ulttyq parkterde ekotýrızmdi damytý úshin jaǵdaı jasaý, onyń ishinde tıisti ınfraqurylym, ınvestorlar tartý, jergilikti ekojúıege rekreasııalyq júktemeni teń bólý boıynsha sharalar qabyldaýdy jalǵastyrý mańyzdy», dedi ol.
