Iesiz jer – halyq ıgiligine

Taıaýda qala ákimi Baqytjan Saǵyntaev Alataý aýdanyn aralap, qo­ǵamdyq keńistikterdiń abat­tandyrylý barysymen jáne ınfra­qurylymdyq máselelerdiń qa­laı sheshilip jatqanymen tanysty. Shahar basshysy ıesiz bos jatqan jerlerdiń ornynda paıda bolǵan birqatar demalys oryndarynda boldy. «Ju­mys­pen qamtýdyń jol kartasy» aıasynda «Aqbulaq», «Shapaǵat», «Qa­rasý» shaǵyn aýdandarynda skverler salyndy jáne jón­del­di. Sonymen qatar Móńke bı kóshesinde vorkaýt alań iske qo­syl­dy.

Osy jumys sapary týraly qala ákimi óziniń Instagram pa­raq­­­shasynda «Sporttyq jáne ba­la­lar aımaǵy baldyrǵandarǵa toly bolsa, alleıada aqsaqaldar ser­ýendep júr. Turǵyn úılerdiń mańaıy qańyrap bos turdy de­gen­ge sený qıyn. Mundaǵy tur­ǵyn­darmen áńgimelesip, jańa qoǵamdyq keńistikterdi kútip us­taý­ǵa shaqyrdym», dep jazdy.

Sondaı-aq qala ákimi 78 gektar jerge áleýmettik belsendiler men eko-belsendilerdiń kúshi­men jyl basynda salynǵan qara­ǵaı­ly ormandy abattandyrý bary­symen tanysty. Jol kartasy sheńberinde onda abattandyrý jumystary júrgizilip, sýa­rý júıesi qarastyrylǵan. Jalpy, Alataý aýdanynda jasyl jelekterdiń aýmaǵy eki esege jýyq kóbeıedi, jasyl jelek­ter sany 355 myńǵa jetedi, onyń 176 myńy bıyl Jasyl Almaty baǵ­darlamasy aıasynda otyr­ǵy­zy­la­dy.

Sonymen qatar Baqytjan Saǵyntaev jol salý jáne jón­deý ýchaskelerin qarap shyǵyp, «Uljan» jáne «О́jet» shaǵyn aýdan­darynda ınje­ner­lik je­li­ler men syrtqy jaryq­tan­dy­rý júıesin salý barysymen ta­nys­ty.

Osydan keıin qala basshysy arnaıy barǵan «Baqytty otbasy» aýdandyq kópbalaly analardy áleýmettik qoldaý ortalyǵynda jyl ishinde júrgizilgen óz­ge­­ris­ter­­diń nátıjeleri tanys­ty­ryldy. Onyń nátıjesi kóp­balaly analardyń belsendi ómirge aralasýy desek bolady. Jyl basynan beri 25 myń áıel «Isker ana» baǵdarlamasy boıynsha ne­giz­gi trenıngter men kýrstardan ótti. 537 áıel «Bıznes bastaý» baǵdarlamasy boıynsha oqydy, onyń 300-i grant alyp, ártúrli baǵytta óz kásibin ashty.

Elektrokarlardy tirkeý qyz­meti iske qosyldy

Sátimen bastalǵan sársenbide qa­lalyq Jasyl ekonomıka bas­qar­masy «Medeý» men «Shym­bu­laq» taý shańǵysy kýrortyna kedergisiz jetý úshin toqpen júretin kólikterdi tirkeıtin elektrondy onlaın servısti iske qosty. Bul qyzmet kirip-shyǵýǵa málimetter bazasyna engizý is-áreketin jeńildetý úshin jasalǵan. Buryn elektromo­bıl­der ıesinen «Medeý» saıa­ba­ǵynyń keńsesine kelip, tıisti ótinish jazý talap etiletin, al bul qolaısyzdyq týdyrady.

Jańa qyzmette qarapaıym formany toltyrý jetkilikti jáne qarastyrǵannan keıin 1 ju­mys kúni ishinde avtokólik elek­trondy bazaǵa engiziledi. Me­deýdegi shlagbaým avtomatty túrde memlekettik tirkeý nómirlik belgisin oqyp jumys isteıdi. Onlaın-ótinimdi basqarmanyń www.almatyeco.gov.kz resmı saıtynda «Elektromobılderdi tirkeý» bóliminde qaldyrýǵa bolady.

Bul arada 2016 jyldan beri qozǵalys júktemesin jáne qor­sha­­ǵan ortaǵa antropogendik áserdi azaıtý maqsatynda osy aýmaqta turatyn jeke jáne zańdy tul­ǵalar men qyzmet kórsetetin qyz­metkerlerden basqa, «Shym­bu­laq» traktiniń erekshe qor­ǵa­la­tyn tabıǵı aımaǵyna avtokólik quraldarynyń kirýine shekteý qoıylǵanyn eske sala ketý kerek. Biraq elektromobıl ıelerine erek­­­­she qorǵalatyn tabıǵı aýmaq­qa shek­teýsiz kirýge ruqsat eti­ledi.

«Sonymen qatar erekshe qor­ǵalatyn tabıǵı aýmaqtarda el­ek­tromobılder úshin barlyq qa­jetti ınfraqurylym bar eke­nin habarlaımyn. «Medeý» tabıǵı saıabaǵynda 4 qýattandyrý stansasy, al «Shymbulaq» taý-shańǵy kýrortynda 3 qondyrǵy bar, onyń árqaısysy 22 kVt-tyq Type 2, Mode 3 tıpti eki portpen jabdyqtalǵan», deıdi Qoǵamdyq nasıhat jáne jasyl ekonomıka qyzmetiniń basshysy A.Raıymbaev.

ALMATY