Gepatoblastoma – erte bastan damıtyn embrıonaldy baýyrdyń sırek kezdesetin qaterli isigi. Elimizde jyl saıyn 15 jasqa deıingi 1 mıllıon balanyń bireýinde gepatoblastoma bar ekeni anyqtalady. Bul jylyna 5-6 jaǵdaıǵa sáıkes keledi. Iаǵnı, 90% jaǵdaıda isik 5 jasqa deıin anyqtalady jáne jasyna baılanysty aýrýdyń eki údemeli kezi bar: birinshisi týyla sala nemese bir aılyǵynda, odan keıin 16–18-shi aılarynda órshıdi.
Mamandar gepatoblastoma ádette baýyrdyń oń jaq bóligine áser etetin eskertedi. Jáne ol aqshyl-sary tústi bir nemese birneshe túıinderden turady, kapsýlalary joq, baýyr tinine erkin enip, ót shyǵarýǵa qabiletti. Biraq baýyrdyń eki jaq bóligine de zaqym kelýi múmkin.
"Búgingi tańda balalardaǵy gepatoblastomany erte anyqtaýdyń negizgi máselesi – isiktiń sırek kezdesetini jáne pasıentterdiń óte kishkentaılyǵynda bolyp otyr. Sondyqtan bul keıde dıagnoz qoıýda qıyndyqtar týǵyzady jáne isik búkil baýyrǵa áser etip, metastazdary bolǵan kezde asqynýǵa ákeledi. Sondyqtan balalardaǵy osy patologııany ýaqtyly anyqtaý turǵysynan qoǵam men dárigerlerdiń kóńil bólýin, qyraǵylyǵyn arttyrý mańyzdy. О́ıtkeni der kezinde jasalynatyn hımıoterapııa men hırýrgııalyq emdeýdiń zamanaýı ádisteri ómirdi uzartyp, keıbir jaǵdaılarda tipti tolyq qalpyna keltirýge múmkindik beredi.
Búgingi tańda hımıoterapııa men organ saqtaıtyn ota jasaýǵa deıingi kýrstardy qoldanýdyń arqasynda balalardaǵy gepatoblastomany emdeýdiń tıimdiligi 90%-dy qurady. Pedıatrııa jáne balalar hıýrgııasy ǵylymı ortalyǵynda sońǵy 7 jyl ishinde balalardaǵy baýyr rezeksııasy bar qaterli isigine 30-dan astam ota jasaldy", deıdi Pedıatrııa ortalyǵynyń Hırýrgııalyq blok basshysy, hırýrg-dáriger, Konstantın Haırov.
Gepatoblastomanyń damýynyń bastapqy kezeńi aıqyn sımptomdarsyz júredi, kóńil bóletin belgiler balada ishtiń ulǵaıýy, tyǵyz isinýdiń paıda bolýy (kóbinese oń jaqta) jáne aýyrsyný belgileri bolýy múmkin. Gepatoblastomanyń órshýi tábettiń joǵalýymen, dene salmaǵynyń tómendeýimen, júrek aınýymen, álsizdikpen qatar júredi. Dıagnoz kesh qoıylǵan jaǵdaıda gepatoblastoma jasýshalary gematogendi jolmen ókpege, mıǵa, súıekterge jáne ish qýysyna metastazdar túze alady.
Bul ota klınıkada 2013 jyldan beri jasalynyp keledi.
ALMATY
