Búgin brıfıngte Túrkistan oblysy Polısııa departamenti bastyǵynyń orynbasary Qurmanbek Sahov oblys aýmaǵynan asa iri kólemde esirtkini zańsyz tasymaldaýdyń eki jaıtynyń joly kesilgendigin aıtty:
– О́tken juma jáne senbi kúnderi "Qarasora" men "Quqyqtyq tártip" jedel-profılaktıkalyq is-sharalary aıasynda polıseıler esirtki zattarynyń eki iri partııasyn tárkiledi. Esirtki qylmysyna qarsy is-qımyl basqarmasynyń qyzmetkerleri men Túrkistan oblysy PD JPQ patrýldik polısııa batalonynyń birlesken operasııasy nátıjesinde birinshi jaıt boıynsha 60 kg marıhýana, al ekinshisinde 48 keli esirtki tárkilendi.
Naqtylap aıtar bolsaq, patrýldik polıseıler respýblıkalyq mańyzy bar Almaty-Tashkent-Termez avtojolynyń 594 shaqyrymynda jol qaýipsizdigin qamtamasyz etý qyzmetin atqarý barysynda jol erejesin buzǵan "Mazda" markaly avtokóligin toqtatady. Kólik qujattaryn tekserý kezinde tártip saqshylary ashýǵa boı aldyryp, qarsylyq kórsetýge tyrysqan júrgizýshi men onyń jolaýshysynyń minez-qulqynan kúmándanady. Sondyqtan bolyp jatqan jaǵdaıdy eskere otyryp, polıseıler kólikti túgeldeı teksermekke bel býady.
Nátıjesinde, olar kóliktiń júksalǵyshynan esirtki zatyna uqsas ótkir ıisi bar alty úlken polıetılen qapshyǵyn tárkiledi. Saraptamaǵa sáıkes, qapshyqtardaǵy zattyń jalpy salmaǵy 60 kelini quraǵan marıhýana bolyp shyqty. Qazirgi ýaqytta “Mazda” jolaýshysy, ıaǵnı buryn sottalǵan Jambyl oblysynyń turǵyny ýaqytsha ustaý abaqtysyna qamaldy. Kúdiktiniń sózine qaraǵanda, ol bul júkterdi Shymkent qalasyna jetkizbek bolǵan.
Al kelesi kúni patrýldik polısııa qyzmetkerleri Túlkibas aýdanynda Almaty-Tashkent-Termez avtojolynyń 651 shaqyrymynda qatty jyldamdyqpen kele jatqan Jambyl oblysy turǵynynyń basqarýyndaǵy “Aýdı-100” avtokóligin toqtatty. Tekserý barysynda Jambyl oblysynyń turǵyny, ıaǵnı júrgizýshi mas halde bolǵan. Sodan soń kóliktiń salonyn tekserý kezinde quramynda ósimdik tektes esirtki zaty bar úsh polıetılen qapshyqty tárkiledi. Saraptama qorytyndysy boıynsha tárkilengen zattar jalpy salmaǵy 48 keli shyǵatyn marıhýana ekendigi anyqtaldy. Buryn sotty bolǵan "Aýdı 100" avtokóliginiń júrgizýshisi jolaýshysymen birge Shymkent qalasyna qaraı esirtkini tasymaldamaq bolǵan.
– Qazirgi ýaqytta atalǵan jaıttar boıynsha QR QK-niń 296 (Esirtkini ótkizý maqsatynsyz zańsyz paıdalaný) men 297 (Esirtkini ótkizý maqsatynda zańsyz saqtaý, tasymaldaý nemese ótkizý) baptarymen sotqa deıingi tergeý jumystary bastaldy. Búgingi tańda kúdiktilerdiń osy qylmystarǵa qatystylyǵy tolyǵymen tekserilýde, sondaı-aq esirtki quraldaryn jetkizý arnalary anyqtalýda, – dep túıindedi Polısııa departamenti bastyǵynyń orynbasary Qurmanbek Sahov.
