Coursera-ǵa ótinimder qabyldaý jeltoqsan aıyna deıin uzartyldy

Baǵdarlamalar • 02 Qarasha, 2020

Coursera-ǵa ótinimder qabyldaý jeltoqsan aıyna deıin uzartyldy

Eńbek jáne halyqty áleýmettik qorǵaý mınıstrligi jáne "Eńbek resýrstaryn damytý ortalyǵy" AQ Coursera iri bilim berý platformasymen tegin bilim berý kýrstarynan ótýge ótinimderdi qabyldaý merzimin 31 qazannan 14 jeltoqsanǵa deıin jáne oqý merzimin 31 jeltoqsannan 2021 jylǵy 15 aqpanǵa deıin uzartý týraly ýaǵdalasty, dep habarlaıdy Egemen.kz

Aıym DÁÝIT

Álemdegi eń tanymal Coursera onlaın-oqytý platformasy QR Eńbek jáne halyqty áleýmettik qorǵaý mınıstrligimen jáne "Eńbek resýrstaryn damytý ortalyǵy" AQ-men birlesip qazaqstandyqtar úshin tegin onlaın-bilim berýdiń aýqymdy jobasyn iske asyrýda. Joba 31 qazanǵa deıingi merzimge eseptelgen, alaıda, jobany uıymdastyrýshylar arasynda kýrstarǵa tirkelý merzimin 2020 jylǵy 14 jeltoqsanǵa deıin jáne oqý merzimin 2021 jylǵy 15 aqpanǵa deıin óteýsiz negizde uzartý týraly ýaǵdalastyqqa qol jetkizildi.

Daǵdylardy arttyrý maqsatynda tegin kýrstar ashylǵan sátten bastap olarǵa 57 myń ótinim berilgen, onyń ishinde 24 myńnan astam qatysýshy oqytýdan ótip jatyr.

Oqytýdyń eń tanymal baǵyttarynyń ishinde IT-tehnologııalar, bıznes kýrstary, tilderdi oqytý, jeke jáne mádenı damý, óner, áleýmettik ǵylymdar bar. Qazaqstandyq bilim alýshylar arasyndaǵy Top 5 kýrs – bul "Teach English Now! Technology Enriched Teaching", "Programming for Everybody", "Business English: Basics", "Python-ǵa ený", "Jobalar men ónimdermen jumys jasaýdaǵy Agile jáne Scrum".

IT kýrstarynyń ishinde Python, baǵdarlamalaý negizderi, Adobe Photoshop, HTML jáne CCS, Android, Big Data negizderi úlken qyzyǵýshylyq týdyrdy.

Aǵylshyn tilin úırený barysynda azamattar oqytý ádistemelerin, sóıleý jáne iskerlik tildi meńgerý daǵdylaryn arttyrýdy, sondaı-aq grammatıkany qalaıdy.

Sonymen qatar, qazaqstandyqtar koreı tilin, jobalyq menedjmentti, SMM-di, ınternet-kásipkerlikti, sýretke túsirý negizderin, sóıleý etıketin jáne basqa da tanymdyq kýrstardy oqýǵa úlken qyzyǵýshylyq tanytty.

Esterińizge sala keteıik, Coursera bilim berý platformasy álemniń jetekshi kompanııalary men ýnıversıtetterinen (GOOGLE, IBM, Facebook, Stanford University, Yale University, Johns Hopkins University, Princeton University jáne t.b.) 4 myńnan astam tegin kýrstan ótýge biregeı múmkindik beredi.

Kýrstardy sátti aıaqtaǵannan keıin bilim alýshylar sertıfıkat alady.

Aǵymdaǵy jylǵy 14 jeltoqsanǵa deıin https://www.enbek.kz/ru/free-coursera "Elektrondy eńbek bırjasy" arqyly ótinim bergender jáne www.coursera.org platformasynda tirkelgenin rastaǵandar úshin Coursera alańynda tegin oqytý kýrstary 2021 jylǵy 15 aqpanǵa deıin qoljetimdi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz