Onyń aıtýynsha, buǵan deıin Aleksandr esimdi azamattyq belsendi ákimmen sózge kelisip qalǵan. Alaıda artynsha ákim men qala turǵyny kezdesip, betpe bet sóılesken.
"Búgin pikir avtory Aleksandr @sanko999 men Jaqsylyq Omar @zhaksylyk_omar jeke kezdesip, til tabysyp, bılikti synaý oryndy ekenin, alaıda pikir konstrýktıvti bolýy keregin jáne ol adamnyń jeke basyna ótip ketpeý keregin aıtty. Bul daýǵa núkte qoıyldy", delingen habarlamada.
Eske salaıyq, buǵan deıin áleýmettik jelilerde bloger men О́skemen ákimi jazysqan habarlamanyń skrınshoty tarap jatqany belgili boldy.
Shyǵys Qazaqstan oblysynyń blogeri Aleksandra Osıpova Instagram jelisindegi paraqshasynda О́skemen qalasynyń ákimi Jaqsylyq Omarmen jazysqan habarlamanyń skrınshotyn jarııalady.
Skrınshotqa qaraǵanda, qala ákimi sapasyz joldarǵa shaǵymdanǵan habarlamaǵa "sóziń úshin jaýap beresiń" dep jazǵan. Al О́skemen qalasynyń ákimi áleýmettik jelilerdegi habarlamaǵa túsinik bergen bolatyn.
