Emhana qyzmetkerleriniń juqtyrýyn boldyrmaý úshin medısınalyq personaldyń ınfeksııalyq qaýipsizdigi saqtalady, jeke qorǵaný quraldaryn paıdalaný: kııý, alyp tastaý, kádege jaratý boıynsha nusqama júrgiziledi.
Medısına qyzmetkerleri men kishi medısına personaly ınfeksııalyq baqylaý máseleleri - JQQ kııý, sheshý boıynsha nusqamadan ótedi, nusqamadan ótkeni týraly jýrnalǵa belgi men medısına personalynyń jeke qoly qoıylady.
"Medısına qyzmetkerleri úshin jeke kirý esigi, "las" jáne "taza", jeke qorǵanys quraldaryn kııýge arnalǵan ortalyqtandyrylǵan kabınetter uıymdastyrylǵan, árbir qurylymdyq bólimshe úshin aýysymdy kıim kııýge arnalǵan jeke kabınetter bar", dep atap ótti bas dáriger.
Emhana qyzmetkerleri jeke qorǵaný quraldarynyń jetkilikti sanymen: ár 2 saǵat saıyn betperdelerdi aýystyrý esebinen bir ret qoldanylatyn maskalarmen; ár pasıentten keıin aýystyrý esebinen bir ret qoldanylatyn qolǵaptarmen, bir ret qoldanylatyn halattarmen, antıseptıktermen jáne dezınfeksııalaý quraldarymen qamtamasyz etilgen.
Budan basqa, jańa klınıkalyq hattamalardy eskere otyryp, alǵashqy medısınalyq-sanıtarlyq kómek jaǵdaıynda koronavırýstyq ınfeksııasy bar naýqastardy dıagnostıkalaý men emdeý, klınıka máseleleri boıynsha semınarlar turaqty negizde ótkiziledi. Emhana qyzmetkerleri baılanysta bolǵan jáne sımptomsyz vırýs tasymaldaýshylarǵa medısınalyq baqylaý jáne zerthanalyq tekserý júrgizedi.
Emhanada 120 kúnge jetetin dárilik preparattar qory bar. Medısınalyq jabdyqtarmen jáne medısınalyq buıymdarmen jabdyqtaý 100% quraıdy.
ALMATY
