Aldymenn eske sala ketý kerek, buǵan deıin taý bókterindegi turǵyndar kóshkin qaýpinen qorqyp, Almaty qalasynyń ákimi B.Saǵyntaevtan kómek suraǵan edi. Onyń tapsyrmasy boıynsha qarajat bólindi jáne betkeılerdi nyǵaıtýǵa múmkindik beretin gabıon qurylymdarynyń qurylysy júzege asty. Sonymen qatar, jańbyr sýlaryn aǵyzatyn aryqtar jasalýda.
Máselen, "Dýman" yqshamaýdanynda 18,5 shaqyrym sýmen jabdyqtaý jáne 26 shaqyrym sý burý jelileriniń qurylysy aıaqtalyp keledi. Qoǵamdyq kólik baǵyttary ótetin 6 kóshede – Han Táńiri, Qazyǵurt, Qarqaraly, Aqmeshit, Borabaı, Bolashaqta 3,7 shaqyrym jolda kúrdeli jóndeý jumystary bastaldy.
Qala ákimi B.Saǵyntaev óziniń Instagram-daǵy paraqshasynda habarlaǵandaı, bul jumysty qarasha aıynda aıaqtaý joparlanǵan.
"Kelesi jyly qalǵan 53 kósheniń joldaryn jóndeımiz. Sondaı-aq «Muztaý» yqshamaýdanynda ınjenerlik jelilerdi salýǵa baılanysty qazylǵan jol jabynyn tez arada qalpyna keltirýdi tapsyrdym. Býtakovka shatqalyna aparatyn joldyń uzyndyǵy 4,6 km. Bul jol týrıstik baǵyttardyń qataryna kiredi", dep jazdy B. Saǵyntaev.
Taǵy bir máseleniń sheshimi jaýyn-shashyn saldarynan kóshkinniń júrýi yqtımal «Kompot» dep atalatyn massıvtiń turǵyndaryn qorǵaýǵa múmkindik berdi. Kókkınakı kóshesindegi qaýipti aımaqta 42 úı bolǵan. Bıyl jyldyń sońyna deıin jalpy uzyndyǵy 350 shaqyrym bolatyn betkeılerdi nyǵaıtý josparlanǵan. Almalyq kóshesi boıyndaǵy eńisti nyǵaıtyp, aryq júıesin ornatý jumystary aıaqtaldy, mundaǵy qaýipti aımaqta 60 úı boldy.
ALMATY
