Aıta ketý kerek, álemniń birqatar elderinde ınfeksııany boldyrmaý úshin jańa sharalar qabyldanýda. Mysaly, 30 qazanǵa qaraǵan túni Fransııa COVID-19 juqtyrǵandar sanynyń ósýine baılanysty ózin-ózi oqshaýlaý rejımin qaıta engizdi. AQSh-tyń Nıý-Iork shtatyna basqa shtattardan kelgenderdiń barlyǵyna úsh kúndik karantındi gýbernator Endrıý Kýomo engizdi.
Maska kııý túrindegi qosymsha vırýsqa qarsy sharalardy Ońtústik Koreıa bıligi elde koronavırýs ınfeksııasyn juqtyrý oqıǵalarynyń kóbeıýi aıasynda engizýde. Shveısarııanyń astanasy Jenevada koronavırýs ınfeksııasyn jańadan juqtyrýdyń ósýin báseńdetýge úmittenip, bir aıǵa kúsheıtilgen karantın engizýde. Baltyq jaǵalaýy elderi, Fınlıandııa jáne Shvesııa elderiniń bıligi halyqty koronavırýstan qorǵaý sharalaryn kúsheıtti: 1 qarashadan bastap Stokgolmda barlyq mýnısıpaldy murajaılar jabyldy, sport zaldary men basseınderge barýǵa qosymsha shekteýler engizildi; Estonııa elge kirýshiler úshin eki aptalyq karantın engizdi jáne t. b.
Osyǵan baılanysty О́ńirlik kommýnıkasııalar qyzmetine onlaın-suhbatynda №8 qalalyq emhananyń bas dárigeri Farıda Aǵybaeva Almaty turǵyndarymen koronavırýstyń aldyn alý boıynsha usynystarmen bólisti.
"Qazir biz COVID-19 jaǵdaılarynyń ósýin baıqaımyz. Bizdiń emhanada ótken aılarmen salystyrǵanda, qazan aıynyń basynan bastap 1,5% - ǵa ósý baıqalady. Osyǵan baılanysty, qala turǵyndaryna úıde bolýǵa, temperatýra paıda bolǵan kezde ýchaskelik dárigerdi, jedel medısınalyq kómekti shaqyrýǵa keńes beremiz", dedi bas dáriger.
Almaty ákimdigi qala turǵyndary men qonaqtaryn óz densaýlyǵyn qorǵaý jáne aınalasyndaǵylardyń saýlyǵy úshin sanıtarlyq-epıdemııalyq talaptardy qatań saqtaýdy jalǵastyrýdy suraıdy. Koronavırýs ınfeksııasy qart adamdar úshin qaýipti, olarǵa múmkindiginshe úıde bolýǵa keńes beriledi. Barlyq qala turǵyndaryna adamdar kóp jınalatyn oryndarǵa barýdan bas tartý, áleýmettik qashyqtyq pen betperde rejımin saqtaý boıynsha usynystar berildi.
Farıda Aǵybaeva almatylyqtarǵa negizgi usynystar týraly eske saldy:
- jeke baılanystardan aýlaq bolyńyz, onyń ishinde qushaqtaý, qol alysý;
- qoldy jıi jýý, úıden tys jerde bir rettik maılyqty qoldaný;
- bólmelerdi jeldetý;- jótelgende, túshkirgende qol oramaldy qoldaný nemese shyntaq býynyna túshkirý kerek;
- úıden shyqpas buryn medısınalyq maska, sondaı-aq uzyn jeńdi syrtqy kıim kııý. Úıge qaıtqanda maska men qolǵapty baıqap sheshý qajet, aýa kirmeıtindeı etip paketke salyp, qoqys salatyn jáshikke tastaý kerek. Sodan keıin qoldy jýý nemese zararsyzdandyrý.kem degende 1,5 metr áleýmettik qashyqtyqty saqtańyz.
"О́zderińizge belgili bolǵandaı, qalada karantın rejımin, sonyń ishinde maska rejımin buzý jaǵdaılaryn anyqtaıtyn mobıldi toptar jumys isteıdi. Mobıldik toptar tirkegen buzýshylyqtar aýdandyq emhanalarǵa beriledi jáne olar boıynsha tıisti sharalar qabyldanady. О́zińizdiń jáne jaqyndaryńyzdyń densaýlyǵyn saqtaý úshin betperde kııýdi usynamyz. Maska kıgen kezde 60-70%-ǵa deıin aýrýdyń aldyn alýǵa bolady", dep atap ótti bas dáriger.
Aǵymdaǵy jyldyń 2 qazanynda monıtorıngtik toptardyń tekserý sharalary barysynda 27 nysan qamtylyp, 3-nen buzýshylyqtar anyqtaldy:
- Áýezov aýdany - Aqsaı - 4 sh.a, Marǵulan k – si, 17d mekenjaıyndaǵy "Miami" dámhanasy - saǵat 23.00-den keıin jumys rejımin buzý; - Bostandyq aýdany, - Abaı dańǵyly, 52/2 mekenjaıyndaǵy «Sushi raı» dámhanasy -saǵat 23.00-den keıin jumys rejımin buzý;- Túrksib aýdany – Aqan Seri kóshesi, 20/5 mekenjaıynda ornalasqan «Lotomatic» oıyn zaly - ýaqytsha tyıym salyndy.
Zańdy tulǵalarǵa qatysty anyqtalǵan buzýshylyqtar boıynsha QR ÁQBtK-niń 425-babynyń 1-bóligine sáıkes sharalar qabyldanatyn bolady.
