Kýágerlerdiń aıtýynsha, júk kóliginiń tejegishi isten shyǵyp, júrgizýshi kólikten sekirýge májbúr bolǵan.
"Júk kóliginiń tejegishi istemeı qaldy. Osynda júrgizýshi boldy. Ol kólikten sekirip ketti. Júrgizýshi jedel járdem kóliginde jatyr. Ol aýyr jaraqat aldy. Osyndaǵynyń barlyǵyn qıratyp ketti", deıdi kýáger.
Almaty qalasynyń polısııa departamenti jol apaty 3 qarashada saǵat 12.00-de Bostandyq aýdanynda bolǵanyn habarlady.
"1973 jyly týǵan North Benz júk kóliginiń júrgizýshisi Dýlatı kóshesimen soltústik baǵytta kele jatqan. Naberejnaıa kóshesiniń qıylysynda ol Nissan Maxima avtokóligine soǵylǵan. Saldarynan júk kóligi joldyń shyǵys bóligine shyǵyp, elektr baǵanasyna, jarnamalyq qalqanǵa, aıaldamaǵa, transformatorlyq qosalqy stansııaǵa jáne úılerdiń biriniń qorshaýyn qıratqan. Qorshaý Toyota Land Cruiser kóligine qulaǵan", delingen habarlamada.
Nissan Maxima kóliginiń 25 jastaǵy júrgýshisi júk kóligimen soqtyǵysqannan keıin joldyń qarsy betine shyǵyp, avtoturaqtaǵy kólikti soqqan.
"Bul fakt tergelip jatyr. Tıisti saraptama taǵaıyndalady. Osynyń negizinde istiń mán-jaıy tolyq anyqtalady. Jol apaty saldarynan júk kóliginiń jáne Nissan Maxima-nyń júrgizýshileri zardap shekken", - delingen habarlamada.
