Sport • 04 Qarasha, 2020

"Barys" Rıganyń "Dınamosyn" utty

163 ret
kórsetildi
1 mın
oqý úshin

Qurlyqtyq hokkeı lıgasynda (QHL) kúsh synasyp júrgen "Barys" túraqty birinshiliktiń kezekti týrynda Rıganyń "Dınamosyn" qabyldady, dep habarlaıdy Egemen.kz.

"Barys" Rıganyń "Dınamosyn" utty

Nur-Sultanda ótken básekede "Barystyń" basymdyǵy esh kúmán týǵyzǵan joq. Birinshi kezeń shıelenisti ótkenimen, qos komanda birazǵa deıin bir-biriniń osal tusyn taba almady. Tek kezeńniń aıaqtalýyna sanaýly sekýndtar qalǵanda Lınýs Vıdell esep ashty. Bul – 35 jastaǵy shvesııalyq shabýylshynyń QHL-daǵy 100-goly. Komandalar úzilisten shyqqan bette aıdyn ıeleri ekinshi shaıbany qaqpaǵa engzidi. Bul joly Vıktor Svedbergtiń ońtaıly pasynan keıin Kertıs Volk nysanany dál kózdedi. Oıynnyń 25 mınýtynda Mett Frettın jergilikti jankúıerlerdi taǵy bir qýantty. Osylaısha, bul kezdesý 3:0 esebimen aıaqtaldy.

Endi óziniń kelesi úsh kezdesýin "Barys" syrtta ótkizedi. Atap aıtsaq, 8 qarashada Cherepoveste "Severstalǵa" qarsy oınaımyz. Al 10 jáne 12 qarasha kúnderi Iаroslavldiń "Lokomotıv" jáne Nıjnekamskiniń "Neftehımıgimen" kúsh synasamyz.

Sońǵy jańalyqtar

Tarazda bir ana eki balasyn terezeden laqtyryp jiberdi

Tótenshe jaǵdaı • Búgin, 12:50

Astana qalasynyń prokýrory aýysty

Taǵaıyndaý • Búgin, 11:35