Bul jaqynda ǵana eGov.kz portalynda qoldanysqa engen memlekettik tirkeý nómirlik belgisin jáne kólik quralyn tirkeý týraly kýálikti jetkizýdi resimdeýge múmkindik beretin qyzmettiń arqasynda múmkin boldy.
Ol úshin "Elektrondyq úkimet" portalynda "Kólik jáne kommýnıkasııalar" bóliminiń "Avtomobıl kóligi" tarmaǵynda "MTNB (memlekettik tirkeý nómirlik belgisi) jáne KQTK-ny (kólik quralyn tirkeý týraly kýálik) úıge jetkizý" qyzmetin tańdap, avtorızasııadan ótý jáne oǵan tapsyrys berý qajet.
Bul jerde qajetti derekterdi toltyryp, turǵylyqty mekenjaıyn kórsetip, qyzmetke aqy tóleý jetkilikti. Qyzmet quny 2240 teńge. Osydan keıin memlekettik tirkeý nómirlik belgisi men kólik quralyn tirkeý týraly kýálikti MHQO qyzmetkeriniń úıge jetkizip berýin kútesiz.
"Bárimiz úshin osyndaı qıyn kezeńde sizder óz klıentterińizdiń densaýlyǵyn oılap otyrǵandaryńyz qýantady. Men ómirimde alǵash ret mamandandyrylǵan HQO-ǵa barmaı-aq avtokóligimdi qaıta tirkeı aldym, tipti daıyn qujattarymdy da ala aldym. Sol kúni nómirler men tehpasport meniń qolymda boldy. Osyndaı yńǵaıly qyzmet úshin rahmet. Men barlyq avtokólik ıelerine osylaı jasaýǵa keńes berer edim", - deıdi Iýlııa Gladysheva.
Daıyn memlekettik tirkeý nómirlik belgisi men kólik quralyn tirkeý týraly kýálikti jetkizý qyzmeti bir eldimeken sheginde, mamandandyrylǵan HQKO bar qalalardyń, oblys ortalyqtarynyń, aýdan ortalyqtarynyń turǵyndaryna qoljetimdi ekenin atap ótken jón.
