Talqylaý 3 qarashada ShYU-nyń Iskerlik forýmynda ótti. Is-sharany Reseıdiń Saýda-ónerkásip palatasynyń kómegimen Eýrazııalyq ekonomıkalyq komıssııa uıymdastyrdy. Sessııa barysynda EEK Integrasııa jáne makroekonomıka jónindegi Alqa Múshesi (Mınıstr) Sergeı Glazev negizgi sóz sóıledi.
Sergeı Glazev ShYU memleketaralyq ózara is-qımyl jáne Eýrazııa keńistigindegi aımaqtyq ıntegrasııa arhıtektýrasynyń mańyzdy quramdas bóligi bolyp tabylatynyn jáne ShYU-men dıalogty damytý Eýrazııalyq ekonomıkalyq ıntegrasııany damytýdyń 2025 jylǵa deıingi strategııalyq baǵyttarynyń jobasynda qarastyrylǵanyn aıtty.
"EAEO men ShYU-ǵa múshe elder Eýrazııa kontınentiniń ózegin quraıdy jáne olardyń ózara baılanysy kóbinese aımaqtyń odan ári damýynyń vektoryn anyqtaıdy", – dep atap ótti EEK mınıstri.
Qazaqstan, Qyrǵyzstan jáne Reseı bir ýaqytta EAEO men ShYU-ǵa múshe. Belarýssııa ShYU-da baqylaýshy memleket mártebesine ıe ekeni, al Armenııa - dıalog boıynsha seriktes bolyp otyrǵany, bizdiń ıntegrasııalyq birlestikterimizdiń ózara baılanysyn qamtamasyz etetini S. Glazevtyń nazarynan tys qalmady.
Sergeı Glazev Komıssııanyń ShYU-men qatynastardy resimdeý boıynsha júrgizip jatqan jumystary týraly, atap aıtqanda, EEK pen ShYU Hatshylyǵy arasynda ózara túsinistik týraly memorandým jasasý jónindegi kelissózder prosesiniń aıaqtalýy týraly habarlady.
"Memorandým jobasynyń negizi kólik, tasymaldaý, ınvestısııa, saýda jáne kedendik rásimderdi jeńildetý sııaqty salalarǵa basa nazar aýdara otyryp, ekonomıkalyq ózara árekettesý bolyp tabylady", - degen EEK mınıstri sıfrlyq ekonomıka, sondaı-aq tehnıkalyq retteý jáne SPS máseleleri erekshe mańyzdy bolýy múmkin ekenine toqtaldy.
EAEO men ShYU arasyndaǵy yntymaqtastyqtyń perspektıvalary týraly aqparat bere otyryp, mınıstr eki qurylymdy da biriktirý qajettiligin atap ótti jáne ulttyq valıýtadaǵy ózara saýdadaǵy esep aıyrysý úlesiniń ósýin basymdyqtar retinde belgiledi. Endi aldaǵy ýaqytta ulttyq valıýtadaǵy ınvestısııalardy jáne qarjy naryqtaryn, sonyń ishinde qor bırjalaryn ıntegrasııalaýdy qoldaıtyn ortaq damý ınstıtýttaryn qurýǵa basymdyq berilmek.
Sergeı Glazev sondaı-aq valıýtalyq retteý júıelerin úılestirýdiń, banktik júıelerdi ıntegrasııalaýdyń, aqsha aınalymy úshin biryńǵaı sıfrlyq keńistikti qurýdyń, sondaı-aq eýrazııalyq qarjylyq arhıtektýrany qalyptastyrýdyń mańyzdylyǵyn atap ótti.
Sessııaǵa qatysýshylar EAEO men ShYU arasyndaǵy jan-jaqty yntymaqtastyqty jáne ózara túsinistikti damytý joldaryn, onyń ishinde Úlken Eýrazııalyq seriktestik ıdeıasynyń sheńberinde dıalog qurý arqyly, sondaı-aq Qytaıdyń "Beldeý jáne jol" bastamasyn iske asyrý aıasynda izdeý qajettiligine nazar aýdardy.
Olar jekelegen memleketterdiń proteksıonıstik saıasatynyń aımaq elderi ekonomıkasynyń damýyna keri áserin atap ótti, sonymen qatar Eýrazııa kontınentinde ádil ekonomıkalyq qatynastardyń qalyptasýyn jaqtady. Kásipkerlik qaýymdastyqtardyń ókilderi bıznes-qaýymdastyqtyń EAEO men ShYU arasyndaǵy dıalogty damytýǵa, onyń ishinde tosqaýylsyz ekonomıkalyq ortany qalyptastyrý turǵysynan joǵary suranysyna nazar aýdardy.
