Jyl saıyn elimizdiń aıtýly sporttyq sharasy sáýir aıynda ótetin edi. Aldaǵy jyly sóre syzyǵyna 17 myńǵa jýyq qatysýshy keledi degen boljam bar. Uıymdastyrýshylar indettiń órshýiniń ańysyn baqylyp otyrǵan jaıy bar.
"Biz jobaǵa daıyndyqty bastap kettik jáne aldaǵy ýaqytta sáýir aıynda "Almaty marafonyn" ótkizý dástúrin saqtap qalamyz dep úmittenemiz. Alaıda, aǵymdaǵy jaǵdaıǵa baılanysty biz barlyq táýekelderdi túsinemiz jáne Almaty qalasynyń ákimdigimen jáne Sport basqarmasymen únemi baılanystamyz, barlyq ózgerister men jańalyqtarǵa jedel den qoıamyz. Soǵan qaramastan, búginde sport – azamattardyń ımmýnıtetin saqtaýǵa baǵyttalǵan mańyzdy salalardyń biri bolyp tabylady. Biz uıymdastyrýshylar retinde óz tarapymyzdan sportshylardyń densaýlyǵyn qorǵaý da birqatar sharalar ázirledik", deıdi "Almaty marafonynyń" dırektory Saltanat Qazybaeva.
"Almaty marafony" 2021 mereıtoılyq bolady. Uıymdastyrýshylar úlken merekelik baǵdarlama daıyndaýda, sonymen qatar barlyq qaýipsizdik sharalaryn qabyldaýǵa ýáde beredi.
"Jaýapkershilik bizde bolǵandyqtan, eń aldymen qatysýshylardyń densaýlyǵyn oılaımyz", deıdi "Almaty marafonynyń" operasııalyq dırektory Isa Qalqa.
– Jolarna jedel járdem kólikterimen, dárigerlermen, tamaqpen jáne sýmen jabdyqtalatyn bolady. Biz árqashan barlyq qatysýshylardy óz densaýlyǵyna jaýapkershilikpen qaraýǵa jáne osyndaı oqıǵalarǵa daıyndalýǵa shaqyramyz. Sonyń ishinde, biz pandemııa jaǵdaıynda marafondar ótkizýdiń halyqaralyq tájirıbesine súıenemiz jáne eń tabysty tájirıbelerdi qabyldaımyz.
Sonymen jarys bastalar aldynda, ıaǵnı sóreden úsh aı buryn barlyq nıet bildirýshiler úshin ashyq tegin jattyǵýlar bastalady. Olardy kásibı jattyqtyrýshy júrgizedi. Naqty kúni men ótetin jeri keıinirek jarııalanady.
"Almaty marafony" 2021 jarysyna tirkelý jańa jylda, 2021 jylǵy 4 qańtarda ashylady.
Jyl saıyn "Almaty marafony", jarys aıaqtalǵannan keıin júzege asyrylatyn qaıyrymdylyq maqsattardy tańdaıdy. Bıylǵy jyly jarystyń toqtatylýyna qaramastan, barlyq 5 qaıyrymdylyq maqsaty tolyq kólemde júzege asyryldy. Qazirdiń ózinde 2021 jylǵa ótinimder qabyldaý bastaldy. Nysandardy tańdaýdyń negizgi ólshemsharttary: sport alańdary men arnaıy balalar mekemelerindegi jabdyqtarǵa degen muqtajdyq. О́tinimder myna elektrondyq mekenjaı boıynsha qabyldanady: info@almaty-marathon.kz.
Esterińizge sala keteıik, "Almaty marafony" 2020 jarysy koronavırýs pandemııasynyń jarııalanýyna baılanysty toqtatyldy. Sondaı-aq, 2020 jylǵa josparlanǵan barlyq jarystar toqtatyldy. Júgirý jarystaryn uıymdastyrýshylar barlyq is-sharalardy onlaın rejımine aýystyrdy. Sonyń ishinde, jyl saıynǵy Almaty jartylaı marafony da onlaın-formatta ótti. Jyl sońyna deıin "Birinshi bolý – batyldyq" korporatıvtik qory Almatyda taǵy bir "Jarys qaharmany" onlaın-júgirisin (14-15 qarasha) ótkizýdi josparlap otyr. Oǵan tirkelý osy 26 qazanda ashyldy.
Almaty
