Sharany Qazaqstannnyń Ulttyq kınony qoldaý memlekettik ortalyǵy, Odessa Halyqaralyq kınofestıvali jáne DzygaMDB onlaın platformasy uıymdastyrǵan.
Dóńgelek ústel jumysyna Qazaqstan men Ýkraınanyń jetekshi prodıýserleri men kıno qaıratkerleri qatysady. Odessa Halyqaralyq kınofestıvaliniń bas prodıýseri, Ýkraına kınoakademııasynyń Baqylaý keńesiniń múshesi Iýlııa Sınkevıch pen Basqarma Tóraǵasynyń keńesshisi, Qazaqstannyń Ulttyq kınony qoldaý memlekettik ortalyǵynyń halyqaralyq strategııa boıynsha kýratory Anna Kachko bolashaqtaǵy halyqaralyq seriktestikke jol ashatyn kınoındýstrııa salasyndaǵy ár eldiń múmkindikterin tanystyratyn bolady.
Sondaı-aq, dóńgelek ústel sheńberinde, alty jobanyń avtorlary (úsheýi Ýkraınadan jáne úsheýi Qazaqstannan) eki el birlesip shyǵarýy úshin óz ıdeıalaryn usyna alady. Qatysýǵa ótinim 16 qarashaǵa deıin qabyldanady. О́tinim berý úshin siltemedegi formany toltyrý qajet.
Jobalar uıymdastyrý komıtetimen iriktelip, qorytyndysy 20 qarashada aıtylady. Dóńgelek ústelden keıin jobalar katalogqa jınaqtalyp, barlyq qatysýshylarǵa jiberiledi, sonymen qatar, DzygaMDB platformasynda jáne UKQMO saıtynda jarııalanatyn bolady.
"Ýkraınanyń kıno salasy búginde qarqyndy damýda, sońǵy jyldary ındýstrııany ilgeriletýge kómektesetin jáne basqa eldermen birlesken óndiristi yntalandyratyn birqatar uıymdar men mehanızmder paıda boldy. Qazaqstanda 2019 jyly "Kınematografııa týraly" Zańnyń qabyldanýyna, rıbeıt júıesiniń jáne halyqaralyq birlesken ónimderge arnalǵan qosymsha múmkindikterdiń engizilýine baılanysty, seriktestik ornatýǵa degen úlken qyzyǵýshylyq bar. Meniń oıymsha, qazaqstandyq jáne ýkraınalyq kıno qaıratkerleriniń arasynda qarym-qatynas ornatýǵa jáne jumys alańyn qurýǵa qazir jaqsy kezeń. Bizdiń elderdi kóp nárse biriktiredi jáne jaqyn arada birlesken kınojobalar da paıda bolady dep úmittenemin", deıdi UKQMO Basqarma Tóraǵasynyń keńesshisi Anna Kachko.
