Oqýshylarǵa 21 myń kompıýter tapsyryldy

Qashyqtan oqytý kezinde bilim sapasyn qamtamasyz etý maq­satynda oblystyń bilim bas­qarmasy jergilikti bıýdjetten jáne úkimet rezervinen bólin­gen 3,8 mlrd teńgege 21 myń kompıýter satyp alyp, tehnıkalyq qu­ralǵa zárý bolyp otyrǵan oqý­shylardyń qolyna ýaqytsha ustatty. Basqarma bas­shysy Záý­re Baımenovanyń aıtýynsha, bıylǵy oqý úderisi barysyn­da oqýshylar jalpy sany 50 myń­nan asa kompıýter paıdalanyp otyr. Munyń syrtynda taıaý­da ǵana oblys ákimdiginiń aq­parattandyrý jáne bilim sapasyn baǵalaý ortalyǵynyń mamandary 870 noýtbýk qabyldap alyp, tekseristen ótkizdi. Bul teh­nıkalyq quraldar osy apta ishinde aldyn ala jasalǵan muq­taj balalardyń tizimine engen oqýshylardyń qolyna tabystalady.

Birinshi toqsanda kezekshi toptardaǵy negizgi pánderdi bir mu­ǵalim júrgizip otyrdy, al qazaq tili, orys tili, ádebıet, aǵyl­shyn tili, dene shynyqtyrý, kór­kem eńbek, mýzyka sabaqtary qashyqtan uıymdastyryldy. Jalpy, kezekshi synyptardaǵy oqýshylar eki topqa bólinip oqydy. Bul jaǵdaıda muǵalimder júktemesi de eki ese artatyny belgili. Basqarma málimetinshe, qosymsha jumys istegen ár mu­ǵalimge naqty neshe saǵat júkteme oryndaǵanyna baılanysty jer­gilikti jáne respýblıkalyq bıýdjetten bólingen qarjy esebinen qosymsha eńbekaqy tólengen.

Aımaqta shtattyq rejim­de j­u­mys istep jatqan mektep­ter­degi sanıtarlyq talaptar­dyń saqtalýy – qatań qada­ǵa­laýda. Sanıtarlyq tazalyqty qam­ta­masyz etý úshin oblystyq bıýdjetten bilim berý meke­melerine jeke qorǵanys qural­da­ry men dezınfeksııalaý qural­daryn satyp alý úshin 30,5 mln teńge bólingen.

– Balalardyń ómiri men den­saýly­ǵyn saqtaý maqsatynda mektepterde sanıtarlyq qaýip­siz­dik sharalary júr­gizildi. Mek­tepke kirip-shyǵý, synyp par­talarynda otyryp bilim alý talaptary kúsheıtilip, ony bul­­jymaı oryndaý barysy kún­delikti qadaǵalaýǵa alyndy. Bi­­rinshi toqsanda kún saıyn ár mekteptiń kireberisinde medısına qyzmetkerleri kezekshilik etti. Olar qyz­metkerler men oqýshy­lardy termo­metrmen tekserip, qol­daryn, aıaq kıim­deriniń tabanyn dezın­feksııalap, fıltrden ótkizip baryp qana mektepke kirgizip otyrdy. Oblysta qosymsha dezınfeksııalaý qural­daryn, ıaǵnı sanıtaızerler, aıaq­kıimge arnalǵan dezınfeksııalaý kilemsheleri, termometrler, aýa resır­kýlıatorlary, kvars shamdary, antıseptıkter men deohlor satyp alý úshin taǵy 206,5 mln teńge qarajat bólinip otyr, – dedi bilim basqarmasynyń basshysy.

Oqý jyly bastalǵaly, ásirese, aqparattyq platformalardyń qyzmeti kúsheıip, ony paıda­laný­shylardyń sany eselep art­qan. Máselen, búginge deıin «Onlinemektep», «Edupage», «Zoom» sııaqty bi­lim berý platformalaryna 361 myń­nan asa muǵalim, 2,5 mln-nyń ús­tinde oqýshy kirip, paıdalaný­shy­lardyń jalpy sany 2,9 mln-ǵa deıin jetken.

– 30 myńnan asa sabaq osy bi­lim berý platformalary arqyly uıym­dastyrylyp, 12 myńnan asa sabaq sınhrondy, 18 myńǵa jýyq sabaq asın­hrondy túrde ótti. Bilim berý plat­formalarynyń bir ereksheligi, munda muǵa­limderge sabaqty vıdeokonferensııa túrin­de onlaın rejimde ótkizý­ge, onlaın-chat arqyly synyp­pen birge bir ýaqyt ishinde ju­mys isteýge, úı tapsyrmalaryn onlaın túrinde tekserýge múm­kin­dik qarastyrylǵan. Al asınhrondy rejimde muǵalimder óz sabaq­taryn beredi. Ony shá­kirt­­ter qalaǵan ýaqytta qa­rap, meńgere alady. Sondaı-aq us­­tazdar balalardyń oqý al­go­rıt­min sıpattaıtyn marshrýt paraqshalaryn jasaıdy. Atalǵan platformalarda oqý­shylardyń bilimin baǵalaý, sy­nyptyń sabaq úlgerimine monıtorıg jasaý, ótilgen taraýdan alǵan bilim men toqsandyq bi­limdi qorytyndylaý múmkindigi qarastyrylǵan. Sonymen qatar oqýshy atalmysh platformalar ar­qyly onlaın-jattyǵýlardyń oryndalý joldarymen tanysyp, kúndelikti sabaq barysynda úıde oryndaǵan tapsyrmasy úshin qan­daı baǵa alǵanyn qada­ǵalaı alady. Árıne, bastaýysh synyp oqýshylary qashyqtan oqý barysynda ata-analarynyń kóme­gin qajet etedi, – dedi Z.Ánýar­bekqyzy.

Birinshi toqsanda oblys mek­tep­­­terindegi oqý úderisi uıym­das­qan túrde, josparly rejim­de júzege asy­rylǵan. Alaıda kóp­shilik ata-analardy oqý jyly­nyń ekinshi toqsanynda oqy­tý qalaı uıymdastyrylady degen oı tolǵandyrady. Basqarma basshysy bul saýalǵa «Barlyǵy aımaq­taǵy sanıtarlyq-epıdemıo­lo­gııalyq jaǵ­daıǵa baılanysty. О́ńir­de ahýal ýshy­ǵyp bara jatsa, bilim berý mekeme­leri qashyq­tan oqytý formatyna kóshýi múm­kin. Oqý túrine qatysty másele – Den­saýlyq saqtaý mınıstrliginiń quzyretinde», dep jaýap berdi.

Qostanaı oblysy