– Tarıhty alyp qarasaq, qazaq, ózbek, tájik jurtynyń túp tamyry bir. Bizdi ortaq tarıh, ortaq qundylyqtar, ózara qurmet pen senimge negizdelgen dostyq qarym-qatynas birik-
tiredi. Bizdiń ulttyq birlestiktiń on bes jyldan astam tarıhy bar. Biz Elbasymyz N.Nazarbaevtyń kóregen saıasatynyń negizinde jıyrma bes jyl buryn qurylǵan tatýlyq pen kelisimniń qara shańyraǵy – Qazaqstan halqy assambleıasynda da birlikte ómir súrip kelemiz. Sonyń arqasynda О́zbekstan men Tájikstan elderiniń salt-dástúr, ádet-ǵuryptaryn tanytyp, ulttyq erekshelikterimizdi saqtaýǵa tyrysamyz, – deıdi «Sharq» etnomádenı birlestiginiń aqsaqaly Hamıd Iorıbekov.
Qoǵamdyq-buqaralyq is-sha-
ralardy uıymdastyrý bóliminiń basshysy Iýlııa Ponomarevanyń sózinshe, shyǵys mádenıetiniń «Jibek joly» festıvali byltyr júzege asyrylǵan joq. Sol sebepti bıylǵy is-sharany joǵary deńgeıde ótkizýdiń mańyzy zor.
– Onlaın is-sharany ótkizý úshin Qazaqstannyń túkpir-túkpirindegi ónerpazdardy tarttyq. Aqtaý qalasynyń «Ekzotıka» bı ansambli ıran halqynyń «Bahram» bıin, Oral qalasynyń ártisteri ózbek halqynyń «Horezm» bıin, Pavlodar qalasynyń «Evrıshım» ansambliniń bıshileri uıǵyr halqynyń «Gýldák jananla» bıin, Taraz qalasynyń «Infınıtı» bı ujymy ózbek halqynyń jalyndy bıin pash etse, jergilikti «Altynaı» bı ansambli men Dostyq Úıiniń «Indigo» horeografııalyq ujymy kórermenderdi myń buralǵan bıimen tánti etti. «Shark» tájik-ózbek etnomádenı birlestiginiń belsendi múshesi Anvar Ospanov jáne «Asem-bend» bı ujymynyń jeke oryndaýshysy Kamılıa Jýnýsova ózbek tilinde áýelete án shyrqady. Dostyq Úıiniń kórkemdik jetekshisi Marııa Kýbjasova barshaǵa tanymal «Shaıhana» ánin naqyshyna keltire oryndap, tyńdarmandardyń ystyq yqylasyna bólendi, – deıdi Iýlııa Ponomareva.
Qostanaı oblysy
