Saılaý komıssııalarynyń ókilderi men qyzmetkerlerine arnalǵan oqytý semınaryn Memlekettik basqarý Akademııasy, Nur-Sultan qalasynyń aýmaqtyq saılaý komıssııasy jáne Qazaqstan Respýblıkasynyń Ortalyq saılaý komıssııasy birlese otyryp iske asyrdy.
Semınar aıasynda tyńdaýshylar tıimdi kommýnıkasııa, Qazaqstan Respýblıkasy Parlamenti Májilisi men Máslıhat depýtattaryn saılaý kezeńindegi komıssııa jumysyn uıymdastyrýdyń quqyqtyq negizderi boıynsha bilim aldy. Kýrs barysynda erekshe nazar – saılaý kezindegi tıimdi jumys uıymdastyrýdyń negizgi minez-qulyq máselelerine, daýys berý kezinde týyndaýy múmkin janjaldy jaǵdaılardy sheshý joldaryna aýdaryldy.
Memlekettik basqarý Akademııasynyń Kásibı damý ınstıtýtynyń dırektory Margarıta Qadyrovanyń aıtýynsha, memlekettik qyzmetshiler men saılaý komıssııalarynyń múshelerin oqytý –- ınteraktıvti tehnologııalardy qoldaný men tájirıbege negizdelgen. Semınarda qatysýshylar Qazaqstan Respýblıkasynyń saılaý zańnamasyn, saılaýdy uıymdastyrý jáne ótkizý erekshelikterin zerdelep qana qoımaı, jaýapkershilik, parasattylyq jáne etıkalyq normalar boıynsha quzyretterin arttyrdy.
Onlaın oqytýdy saılaý naýqandaryn ótkizýde mol tájirıbesi bar bıznes-trenerler, saılaý zańnamasyndaǵy sarapshy mamandar jáne saılaý prosesterin uıymdastyrýshylar ótkizdi, olardyń ishinde memlekettik basqarý Akademııasynyń bıznes-treneri, fasılıtator, psıholog – Janna Ibraeva, Nur-Sultan qalasy Almaty aýdandyq saılaý komıssııasynyń hatshysy – Tatıana Sýhıh, Nur-Sultan qalasy Saryarqa aýdandyq saılaý komıssııasynyń hatshysy – Natalıa Bajýtına boldy.
«Saılaý kezindegi eń mańyzdy sátterdiń biri-halyqpen, baqylaýshylarmen, ujymmen, BAQ ókilderimen durys baılanys, kommýnıkasııa ornata bilý. Sol arqyly qoǵam tarapynan saılaý komıssııasyna degen senim qalyptasady. Bul ashyqtyq, ádilettilik, qol jetimdilik, adaldyq, qaýipsizdik. Iаǵnı, osyndaı qarapaıym mysaldarmen tutas komandanyń jumysyn baǵalaýǵa bolady», – dep atap ótti kýrs treneri Janna Ibraeva.
Búgingi tańda Akademııa bilim berý alańy ǵana emes, sonymen qatar saılaý komıssııalarynyń múshelerin oqytýǵa arnalǵan ádistemelik ortalyqqa da aınalyp otyr.
Aıta ketý kerek, 2018 jyly Qazaqstan Respýblıkasy Prezıdentiniń janyndaǵy Memlekettik basqarý Akademııasy men Ortalyq saılaý komıssııasy arasynda memlekettik qyzmetshilerdiń quqyqtyq mádenıeti men elektoraldyq saýattylyǵyn arttyrý maqsatynda elektoraldyq oqytýdy uıymdastyrý boıynsha yntymaqtastyq týraly birlesken memorandýmǵa qol qoıyldy.
Osy memorandým aıasynda ótken jyly Akademııa jáne onyń fılıaldary bazasynda biliktilikti arttyrý semınarlary uıymdastyrylyp, onda 4151 memlekettik qyzmetshi,al 2020 jylǵy kórsetkish boıynsha 5000-nan astam memlekettik qyzmetshi oqytý kýrstarynan ótti. Sondaı-aq, jyl sońyna deıin elimizdiń túrli óńirlerinde 1593 memlekettik qyzmetshini oqytý josparlanýda.
