Kitap Abaıdyń 175 jyldyǵyna oraı jaryq kóredi. XIX ǵasyrdaǵy qazaq zııalylarynyń jarqyn ókili, Abaı qazaq jazba ádebıetiniń negizin qalaýshysy. Ol sondaı-aq mádenı reformator, orys jáne Eýropa klassıkasyn aýdarý arqyly qazaq, orys jáne eýropalyq mádenıet arasyndaǵy kópir bolǵan.
Bul Abaıdyń osyǵan deıin jaryq kórgen aýdarmalarymen salystyrǵanda barynsha tolyq jáne qazaq tilinen aǵylshyn tiline tuńǵysh ret tikeleı tárjimalanǵany sebepti, uly aqynnyń únin álem halyqtaryna jetkizýdegi salmaqty basylym.
Kitapty aýdarǵandar: qazaq-aǵylshyn aýdarmashylarynyń jańa býyny, brıtandyq bedeldi aqyndar Djon Bernsaıd pen Shon O’Braıen.
Kitap Ulttyq aýdarma bıýrosynyń Abaı shyǵarmalaryn álemniń on tilinde basyp shyǵarý jónindegi aýqymdy jobasynyń bir bóligi.
