Aımaqtar • 06 Qarasha, 2020

Naǵı Ilııasovtyń 100 jyldyǵyna oraı eskertkish-bıýsti ashyldy

57 ret kórsetildi

Búgin oblys ákimi Gúlshara Ábdiqalyqovanyń qatysýymen Keńes Odaǵynyń batyry Naǵı Ilııasovtyń 100 jyldyǵyna oraı eskertkish-bıýstiniń saltanatty ashylý rásimi ótti, dep habarlaıdy Egemen.kz

"Bıyl qanshama bozdaqty qyrshynynan qıyp, qanshama úıdi ańyratyp ketken soǵystyń aıaqtalǵanyna 75 jyl boldy. Sol surapyl soǵysqa qatysyp, Keńes Odaǵynyń Batyry atanǵan Naǵı Ilııasovtyń týǵanyna 100 jyl tolyp otyr. Qaıratker tulǵanyń jarqyn beınesi halqynyń jadynda máńgilik saqtalady. Eskertkish-músinniń ashylý saltanaty barshańyzǵa qutty bolsyn!", dedi Gúlshara Ábdiqalyqova.

Saltanatty sharaǵa  ardagerler, memleket jáne qoǵam qaıratkerleri, memlekettik mekeme ókilderi men N.Ilııasovtyń balasy Rınat Ilııasov ta qatysyp, kórsetilgen qurmetke alǵysyn jetkizdi.

Naǵı Ilııasov 1920 jyly Syr topyraǵynda dúnıege kelgen. 1933-1936 jyldary balalar úıinde tárbıelendi. 1936-1939 jyldary Ortalyq Azııa ýnıversıtetiniń jumysshy fakýltetin, Tashkent pedagogıkalyq ýchılıshesin bitirip, mektepte nemis jáne tarıh pánderinen sabaq berdi.

1942 jyly qańtarda maıdanǵa attanyp, Vengrııanyń Býdapesht qalasyn azat etýde kórsetken erligi úshin "Keńes Odaǵynyń Batyry" ataǵy berilgen. Býdapeshte onyń esimimen atalatyn kóshe bar.

1945 jyly Máskeýde ótken Jeńis sherýine qatysqan. Soǵystan keıin týǵan jerinde jaýapty qyzmetter atqardy. Atap aıtsaq, aýdandyq partııa komıtetiniń hatshysy, "Qazaq SSR-niń 50 jyldyǵy", "Qaraózek" jáne «Komsomol» keńsharlarynyń dırektory, oblystyq atqarý komıtetiniń bólim meńgerýshisi qyzmetterinde boldy,                      "Jaýynger joly" kitabynyń avtory.

Naǵı Ilııasov 1987 jyly dúnıeden ótse de, esimi óshken joq. Uzaq jyldar ózi basqarǵan "Qazaqstannyń 50 jyldyǵy" aýylyna esimi berildi. Búginde bul eldi meken – respýblıkadaǵy eń úzdik jáne úlgili aýyldardyń biri. Eskertkish-bıýst batyrdyń atymen atalatyn №9 mektep-gımnazııasy aýlasynda ornalasqan. Avtory – jerlesimiz, Qazaqstan Sýretshiler odaǵynyń múshesi, músinshi Járken Ismaǵulov.

Aıta keteıik, Keńes Odaǵynyń batyry Naǵı Ilııasovtyń týǵanyna 100 jyl tolýyna oraı turǵan úıine memorıaldyq taqta ornatylyp, "Batyrdyń úsh ómiri – úsh baqyty" atty kitaptyń tusaýy kesildi.

Sońǵy jańalyqtar

Kabýlda jarylys boldy

Oqıǵa • Búgin, 17:08

Otandyq fılmderdiń úlesi artady

Qazaqstan • Búgin, 16:20

Almatyda baqylaý kúsheıtildi

Koronavırýs • Búgin, 14:08

Aqsha emes, abyroı qymbat

Boks • Búgin, 13:04

Kúrshim ózeni de lastana bastady

Ekologııa • Búgin, 12:38

Tiliksiz ota jasaldy

Medısına • Búgin, 12:20

Uqsas jańalyqtar