"Qala ákimi Baqytjan Saǵyntaevtyń tapsyrmasy boıynsha JQJK aıasynda iskerlik belsendilikti jáne jumyspen qamtýdy qoldaý úshin 32 joba anyqtaldy, onyń ishinde 27 joba iske asyryldy, bıznesti yntalandyrýdan basqa bul 785 jańa jumys ornyn qurýdy qamtamasyz etti", dep atap ótti B.Dándibaev.
Sondaı-aq, aýdanda bıznestiń áleýmettik jaýapkershiligi aıasynda áleýmettik jobalar iske asyrylýda. Investorlardyń qoldaýymen "Jas tolqyn" óner ortalyǵy ashyldy. Ortalyqta jylyna 500 balany dombyra, gıtara, fortepıano, vokal, keskindeme jáne t.b. úıirmelerimen tárbıeleý josparlanýda. Ortalyqta halyqtyń áleýmettik sezimtal sanattarynan 10 jastan 18 jasqa deıingi balalardy tegin oqytatyn bolady (Mekenjaıy: Naýryzbaı aýdany, Qalqaman shaǵyn aýdany, Er Jánibek kóshesi 4/1; baılanys nómiri: 8 707 592 00 19; Jumys kúnderi: dúısenbiden senbige deıin 9:00-den 12: 30-ǵa deıin; 13:00-den 16: 00-ge deıin).
"Social Music Center" shyǵarmashylyq ortalyǵynda dombyra, fortepıano, shahmat, toǵyzqumalaq, qolóner úıirmelerimen jylyna 300 balany qamtý josparlanýda. Ortalyq halyqtyń áleýmettik sezimtal sanattarynan 5 jastan 15 jasqa deıingi balalardy tegin oqytatyn bolady.
