Bıylǵy 7 qarashadan 8-ne qaraǵan túni 21 monıtorıngtik top qyzmet etti, onyń quramyna sondaı-aq, volonterlar kirdi.
Bir túnde barlyǵy 144 nysan tekserildi. Sonyń ishinde tekserý barysynda 118 nysan jabyq turǵan, ıaǵnı belgilengen jumys rejımin saqtaǵan.
Sonymen birge, kelýshilerdiń bolý ýaqyty toqtatylyp, Áýezov aýdanynyń aýmaǵynda ornalasqan 16 mekemeden qonaqtar shyǵaryldy. Buzýshylyqtar kelesi nysandarda anyqtaldy:
1. «Smat» bılıardy( Jandosov kóshesi, 188a);
2. «Moskva» bılıardy ( Jandosov kóshesi, 59 v);
3. «Hınkalnaıa» meıramhanasy (Pıatnıskıı kóshesi, 32);
4. «Veselidze» dámhanasy (Jetysý 4 sh.a, 32);
5. «Almaly» meıramhanasy (Aqsaı sh.a, 1 A, 11/2);
6. «Ryba moeı mechty» karaokesi(Naýaı, 97);
7. «Motor club Almaty» bary (4 sh.a, 1 A);
8. «Go» ınternet-klýby (Aqsaı 1 sh.a, 11/7 úı);
9. «NUKE» kompıýter klýby (Taýgúl 1 sh.a, 72/1);
10. «Pıramıda» bılıard klýby (8 sh.a, 26 A);
11. «BALR» oıyn klýby (Aqsaı 1 sh.a, 11/9 úı);
12. «Altay Gold» meıramhanasy (Tóle bı kóshesi, 300/1);
13. «Lafe hotpot» dámhanasy (Tóle bı kóshesi, 285 g);
14. «Grand Osteria» dámhanasy ( Aqsaı 4 sh.a, 18 A);
15. «Sharık Malık» oıyn-klýby ( Naýaı kóshesi, 162 A);
16. Kompıýter klýby (Taýgúl, 24).
Bostandyq aýdanynda kelýshiler taratylyp, 6 mekemeden qonaqtar shyǵaryldy:
1. Býrger HOT, Áýezov kóshesi, 183;
2. Sunset meıramhanasy, Ál-Farabı dańǵyly, 5k2a;
3. Headshot kompıýter klýby, Markov kóshesi, 28;
4. Honey-Honey dámhanasy, Ál-Farabı dańǵyly, 77/1;
5. «Sushi Raı» sýshı-bary, Abaı dańǵyly, 52/2;
6. Tamark saýnasy, Melnıkaıte kóshesi, 33.
Tapsyryspen syrtqa shyǵarý jumysy toqtatyldy:
1. «Salam bro” tez tamaqtaný dúńgirshegi, Tımırıazev kóshesi, 42k4;
2. Almaty doneri, Abaı dańǵyly, 34/96.
Sonymen birge, Tımırıazev kóshesi, 32 mekenjaıyndaǵy Versailles meıramhanasynda zań buzýshylyq faktisi (karaoke istep turǵan) anyqtaldy.
О́z kezeginde Medeý aýdanynyń aýmaǵynda monıtorıngtik toptar jumys rejiminiń saqtalýyna túngi klýbtardy tekserdi. Jumys barysynda «Bla bla bar» túngi klýbynda sanıtarlyq normalardyń buzylý faktileri anyqtaldy. Mobıldi top kelgen kezde nysan qyzmet istemeı turǵan ispetti bolǵan. Alaıda Polısııa basqarmasynyń qosymsha kúshin shaqyrǵannan keıin, túngi klýb ákimshiligi qaqpany ashyp, ol jerde buzýshylyq faktisi tirkeldi. Kelýshiler mekemeden ketti, qonaqtardyń birqatary shyǵýǵa arnalmaǵan jerlerden ketý tásilin qoldanǵan (osyǵan deıin áleýmettik jelilerde kelýshilerdiń qaqpadan sekirip shyqpaq bolǵan vıdeo paıda boldy).
Anyqtalǵan jaǵdaılar boıynsha joǵaryda atalǵan mekemelerdiń jaýapty tulǵalarynan tıisti sharalardy qabyldap, materıaldardy berý úshin túsinikteme alyndy, sonymen birge, karantın sharalaryn qatań saqtaý qajettigi jáne zań buzýshylyqtardy joıýǵa qatysty sáıkes túsindirý júrgizildi.
Almaty ákimdigi qala turǵyndaryn belgilengen sanıtarlyq-epıdemııalyq talaptardy saqtaýǵa shaqyrady. Adamdar kóp jınalatyn jerlerge barý ınfeksııa qaýpin arttyrady. Sımptomsyz tasymaldaýshylar koronavırýs ınfeksııasynyń qozdyrǵyshy bolýy múmkin ekenin eskergen jón. Osyǵan baılanysty aldyn alý sharalaryna beı-jaı qaramaı, maska rejımi jáne áleýmettik qashyqtyqty saqtaýdy ótinip suraıdy. О́z kezeginde, kez kelgen menshik nysanyndaǵy kásipkerlik sýbektileri kelýshilerdiń bolýy men personaldyń jumysynyń barynsha qaýipsiz jaǵdaılaryn qamtamasyz etýi tıis.
Esterińizge sala keteıik, Qazaqstanda koronavırýs ınfeksııasyn juqtyrýdyń 116 myń jaǵdaıy tirkelgen, onyń 15 myńǵa jýyǵy Almaty qalasynda. Elde 1857 adam qaıtys boldy. О́tken táýlikte Qazaqstanda koronavırýs ınfeksııasyna oń PTR nátıjesi bar 723 naýqas anyqtaldy, onyń ishinde 28-i Almaty qalasynda.
