Bilim • 09 Qarasha, 2020

Almaty oblysyna jetkizilgen kompıýterdiń 50-i jaramsyz

76 ret kórsetildi

Bilim jáne ǵylym vıse-mınıstri Rústem Bıǵarı bilim basqarmalarynyń basshylarymen "Jergilikti ákimdikterdiń kompıýterlik tehnıkany satyp alý máselelerine qatysty" taqyrypta jınalys ótkizdi, dep habarlaıdy Egemen.kz

"Mınıstrliktiń ózi kompıýterlik tehnıkany satyp alýǵa qatyspaıdy. Ony jergilikti ákimdik ózi satyp alady, ol úshin barlyq jaǵdaıdy jasadyq. Mınıstrlik tamyz aıynda kompıýter satyp alý baıqaýy ashyq túrde ótýi kerektigi jáne arnaıy komıssııa qurý týraly hat jibergen bolatyn. Eń basty másele – tehnıkanyń sapasy jáne jetkizilý merzimi. Júrgizilgen monıtorıng boıynsha, keıbir aımaqqa sapasyz tehnıka jetkizilgeni týraly nemese belgilengen merzimde jetkizilmegeni týraly aqparat bar. Sondyqtan bul máselege qatysty aımaqtardyń jaýabyn tyńdamaqpyn", deıdi Rústem Bıǵarı.

Almaty oblysyna jetkizilgen tehnıkanyń 50-i jaramsyz bolyp shyqqan jáne olar iske jaramdy tehnıkamen aýystyrylǵan. 5-7 kún ishinde atalǵan tehnıkalar mektepterge jetkiziledi. Al Aqtóbe oblysyna jetkizilgen tehnıkalardyń ishinde 15 kompıýterde aqaý bolǵan jáne ol birden aýystyrylǵan. Onyń aıtýynsha, ár kompıýter berilgen balanyń atyna tirkelýi qajet.

Vıse-mınıstrdiń málimetinshe, ákimdik aldymen kompıýterlerdi tekserip alyp, odan keıin ǵana oqýshylarǵa berýi kerek. Olardyń qyzmet kórsetýge jaramdy merzimi 1 jyl bolýy qajet. Úkimettiń qoldaýymen 4 otandyq kompanııa kompıýterlik tehnıka jetkizýmen aınalysady. Úkimettiń qoldaýymen olar úlken kólemde tapsyrys oryndaıdy.

"Otandyq kompanııa bolǵanyna qaramastan, olarǵa qoıylatyn talap ta joǵary bolýy kerek, olardan sapa talap etý kerek. Jaramsyz tekhnıkalardy alǵan soń ornyna basqa tehnıkany jyldam berýi kerek. Oqý jylynyń birinshi toqsany aıaqtalǵanmen, áli de tehnıkalardy jetkizýmen aınalysýdamyz. Osyǵan qatysty kóp suraq týyndaıdy", deıdi ol.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar