"Zertteýler maska juqtyrý jáne vırýstyń basqalarǵa taralý qaýpin tómendetetinin kórsetedi. Sonymen birge qorǵanys quraldarynyń COVID-19 tasymaldaýshysynda da, saý adamda bolýy da mańyzdy. Áıtpese, táýekel ındıkatory joǵarylaıdy", deıdi №10 qalalyq emhananyń jalpy tájirıbelik dárigeri Danııar Qadyrov.
Dárigerler muny durys jasaý mańyzdy ekenin atap ótti. Maskany úıden shyǵar aldynda taǵý kerek. Eń durysy, ol sizdiń betińizge tyǵyz ornalasyp, ıegińizdi jaýyp turýy kerek. Maskany murynnyń astyna túsirmeý mańyzdy.
Immýnıtetti saqtaý úshin dene belsendiligi, durys tamaqtaný jáne durys ádetter qajet. Sondaı-aq, vırýstyq ınfeksııalardyń aldyn alý úshin turǵyndar jeke gıgıenany saqtap, qoldy jıi jýyp, antıseptık qoldanǵan jón.
"Immýndyq júıeni nyǵaıtý úshin A, B, C, D, E dárýmenderi qajet. Durys tamaqtaný da mańyzdy. Kúzde rasıonǵa kókónister, jemister, et, sút, jańǵaq, jarma qosý usynylady. Tamaqtyń ár túrli bolǵany mańyzdy, bul jaǵdaıda barlyq mıkroelementter denege qajetti mólsherde túsedi", deıdi №10 qalalyq emhananyń jalpy tájirıbe bóliminiń dárigeri Gúlnaz Bekenova.
Sondaı-aq dárigerler tumaýǵa jáne pnevmokokk ınfeksııasyna qarsy vaksına egý keregin aıtady. Sonymen qatar antıbıotıkterdi dárigerdiń reseptisiz qabyldamaýǵa, ózin ózi emdemeýge keńes beredi.
