"Ekstermızm, terrorızm, separatızm jáne rýhanı qundylyqtardyń devalvasııasyna qarsy is-qımylda bizdiń halyqtardyń jasampaz áleýetin jumyldyrý úshin ShYU memleketteriniń birigeı mádenı murasyn damytý mańyzdy. Sondyqtan bizdiń uıym úshin mereıtoılyq aldaǵy jyldy ShYU mádenıeti jyly dep jarııalaýdy qoldaımyz", dedi Prezıdent.
Sonymen qatar Prezıdent qarýlanýdyń jahandyq jarysynyń kúsheıýi bıologııalyq qarýǵa qatysty qadaǵalaý júıesin iske qosýdyń qajettigin ózekti etip otyrǵandyǵyn atap ótti.
"Barshamyz bıoterrorızmniń qaterine baılanysty táýekelderdi jaqsy túsinemiz. BUU Bas Assambleıasynyń 75-sessııasy barysynda Bıologııadyq qaýipsizdik jónindegi halyqaralyq agenttikti qurýdy usynǵan edim. ShYU boıynsha áriptester tarapynan bul máselede qoldaý bolatynyna senim artyp otyrmyn", dedi Q. Toqaev.
Eske sala keteıik, BUU Bas Assambleıasy 75-sessııasynyń jalpy saıası debattarynda sóz sóılegen QR Prezıdenti Qasym-Jomart Toqaev Bıologııalyq qaýipsizdik jónindegi halyqaralyq agenttik qurý týraly aıtty.
