«Jas tolqyn» márege jetti

Jergilikti jas sýret­shiler­diń týyndylary karantın rejimi kúsheıtilgenge deıin oblystyq tarıhı-ólketaný mýzeıiniń kórme zalynan oryn alyp, qala turǵyndarynyń tamashalaýyna múmkindik týdy. Baıqaýǵa ózge óńirlerden qatysqan sýretshi, qolóner sheberleriniń dúnıeleri onlaın kórmege ornalastyryldy.

Buǵan deıin mádenıet bas­qarmasy men oblystyq ta­rıhı-ólketaný mýzeıi, Sý­ret­­shiler odaǵynyń jer­gilik­ti fılıalynyń uıymdas­tyrýymen oblys kóleminde ǵana ótkizilip kelgen óner baıqaýy byltyrdan bastap respýblıkalyq deńgeıde óte bastaǵan.

– Búgin úzdikterdi marapattap, baıqaýǵa qatysqan ju­­mystardy tamashalap kór­­­dim. Qanshama jas da­ryn­­nyń ósip kele jat­qa­ny­na shyn qýandym. Ulttyq na­qyshtaǵy tamasha týyndy­lardy kórip, ulttyq sana­ny jańǵyrtýdyń naqty mysalyna kýá boldym. Ta­ǵy bir qýantatyny, jas da­ryn­dardyń azamattyq us­tanymy qalyptasyp kele jatyr eken. Qoǵamda qyzý tal­qy­ǵa túsken Kóbeıtuzdyń ja­ǵ­daıy, brakonerler qo­lynan qaza tapqan qoryq­shynyń beınesi tárizdi kó­ri­nister esh­­kimdi beıjaı qal­dyr­maıtyny anyq. 10 jyl boıy ob­lystyq deńgeıde ót­­ki­zi­lip, ótken jyldan beri res­pýblıkalyq mártebege ıe bolǵan baıqaýdyń shyn má­ninde deńgeıi joǵary eke­nine kózimiz jetti, – deıdi má­denıet basqarmasynyń bas­shysy Erlan Qalmaqov.

Baıqaý qorytyndysy boıynsha «Beıneleý óneri», «Grafıka», «Músin», «De­ko­ratıvti-qoldanbaly qol­óner» atalymdarynyń je­ńimpazdary arnaıy dıplomdar men baǵaly syılyqtarǵa ıe boldy. Baıqaýǵa qatys­qan ónerpazdardyń esh­biri qur qol qalǵan joq, uıym­dastyrýshylar talapker sý­retshilerdiń ustazdary men óner mekemeleriniń mekenjaıyna arnaıy sertıfıkat qaǵazdaryn joldady. Qa­zy­lar alqasy biraýyzdan qa­byldaǵan uıǵarym boıynsha Lısakov qalasynan qa­tys­qan jas sýretshi Ásel Nur­ke­nova baıqaýdyń Gran-prıi men mádenıet basqarmasy taǵaıyndaǵan 300 myń teń­gelik qarjylaı syılyqqa ıe­ boldy. 

Qostanaı oblysy